തൃശൂർ: ദുരന്തമുഖങ്ങളിലും ദുരിതാശ്വാസക്യാന്പുകളിലും കാരുണ്യവുമായി തൃശൂർ അതിരൂപത. അതിരൂപത മെത്രാപ്പോലീത്ത മാർ ആൻഡ്രൂസ് താഴത്തും സഹായമെത്രാൻ മാർ ടോണി നീലങ്കാവിലും സാന്ത്വനം പദ്ധതിയുടെ സഹായഹസ്തവുമായി ക്യാന്പുകൾ സന്ദർശിച്ചു.
തൃശൂർ കാൽഡിയൻ സിറിയൻ ചർച്ച്, നെല്ലങ്കര പള്ളി, വരടിയം ഗവ. സ്കൂൾ തുടങ്ങിയ ദുരിതാശ്വാസ ക്യാന്പുകളിൽ ഭക്ഷ്യവസ്തുക്കളും മറ്റ് അവശ്യസാധനങ്ങളും തൃശൂർ അതിരൂപത സാമൂഹികസേവന പ്രസ്ഥാനമായ സാന്ത്വനത്തിന്റെ നേതൃത്വത്തിൽ നൽകി.