ഇ​രി​ങ്ങാ​ല​ക്കു​ട: ബ്ലോ​ക്ക് പ​ഞ്ചാ​യ​ത്തി​ല്‍ ഭ​ര​ണ​സ​മി​തി​യും ബ്ലോ​ക്ക് സെ​ക്ര​ട്ട​റി​യും ത​മ്മി​ലു​ള്ള രൂ​ക്ഷ​മാ​യ അ​ഭി​പ്രാ​യ ഭി​ന്ന​ത​ക​ള്‍ ഭ​ര​ണ​മു​ന്ന​ണി​ക്കും പ്ര​ധാ​ന ക​ക്ഷി​യാ​യ സി​പി​എ​മ്മി​നും ത​ല​വേ​ദ​നയാ​കു​ന്നു. ബ്ലോ​ക്ക് പ​ഞ്ചാ​യ​ത്തി​ന്‍റെ ഡ്രൈ​വ​റു​ടെ ബി​ല്ലു​ക​ള്‍ പാ​സാ​ക്കു​ന്ന​തി​നെച്ചൊ​ല്ലി ഭ​ര​ണ​സ​മി​തി​യും അം​ഗ​പ​രി​മി​ത​യാ​യ സെ​ക്ര​ട്ട​റി​യും ത​മ്മി​ല്‍ ഉ​ട​ലെ​ടു​ത്ത ഭി​ന്ന​ത​ക​ളാ​ണ് ഇ​ട​തു​പ​ക്ഷം കാ​ല​ങ്ങ​ളാ​യി അ​ധി​കാ​രം കൈ​യാ​ളു​ന്ന ബ്ലോ​ക്ക് പ​ഞ്ചാ​യ​ത്ത് ഭ​ര​ണ​സ​മി​തി​യെ പ്ര​തി​രോ​ധ​ത്തി​ല്‍ ആ​ക്കി​യി​രി​ക്കു​ന്ന​ത്.

നി​യ​മ​വി​രു​ദ്ധ പ്ര​വ​ര്‍​ത്ത​ന​ങ്ങ​ള്‍​ക്ക് കൂ​ട്ടു​നി​ല്‍​ക്കാ​ന്‍ ക​ഴി​യി​ല്ലെ​ന്നുചൂ​ണ്ടി​ക്കാ​ട്ടി ബ്ലോ​ക്ക് സെ​ക്ര​ട്ട​റി ബി​ല്ലു​ക​ള്‍ പാ​സാ​ക്കാ​ന്‍ വി​സ​മ്മ​തി​ക്കു​ക​യാ​യി​രു​ന്നു. ഇ​തി​ന്‍റെ പേ​രി​ല്‍ മാ​ന​സി​ക​വും ശാ​രീ​രി​ക​വു​മാ​യ പീ​ഡ​ന​ങ്ങ​ള്‍ നേ​രി​ടു​ക​യാ​ണെ​ന്ന് കാ​ണി​ച്ച് 62 ശതമാനം ശാ​രീ​രി​ക പ​രി​മി​തി​യു​ള്ള പ​ണ്ഡുസി​ന്ധു ത​ദ്ദേ​ശ​വ​കു​പ്പി​നും ജി​ല്ലാഭ​ര​ണ​കൂ​ട​ത്തി​നും പ​രാ​തി ന​ല്‍​കിക്ക​ഴി​ഞ്ഞു.

വി​ഷ​യം ച​ര്‍​ച്ചചെ​യ്യാ​ന്‍ വി​ളി​ച്ച അ​ടി​യ​ന്ത​ര ഭ​ര​ണ​സ​മി​തിയോ​ഗ​ത്തി​ല്‍ ഭ​ര​ണ​ക​ക്ഷി​യി​ലെ ര​ണ്ടാ​ംക​ക്ഷി​യാ​യ സി​പി​ഐ നി​യ​മ​പ​ര​മാ​യ രീ​തി​യി​ല്‍ കാ​ര്യ​ങ്ങ​ള്‍ ന​ട​ക്ക​ണ​മെ​ന്ന നി​ല​പാ​ട് എ​ടു​ത്ത​താ​യാ​ണു സൂ​ച​ന. പ​തി​മൂ​ന്നം​ഗ ഭ​ര​ണ​സ​മി​തി​യി​ല്‍ സി​പി​എ​മ്മി​ന് എ​ട്ടും സി​പി​ഐ​ക്ക് നാ​ലും പ്ര​തി​പ​ക്ഷ​മാ​യ കോ​ണ്‍​ഗ്ര​സി​ന് ഒ​രു അം​ഗ​വു​മാ​ണു​ള്ള​ത്. ക​ഴി​ഞ്ഞ ദി​വ​സം ബ്ലോ​ക്ക് പ​ഞ്ചാ​യ​ത്തി​ന് മു​ന്നി​ല്‍ന​ട​ന്ന പ്ര​തി​ഷേ​ധ ധ​ര്‍​ണയി​ല്‍ സി​പി​ഐ അ​നു​കൂ​ല സം​ഘ​ട​ന​യാ​യ ജോ​യി​ന്‍റ് കൗ​ണ്‍​സി​ലി​ന്‍റെ ജി​ല്ലാ ജോയിന്‍റ് ​സെ​ക്ര​ട്ട​റിത​ന്നെ പ​ങ്കെ​ടു​ത്ത​തും ച​ര്‍​ച്ച​യാ​യി​ട്ടു​ണ്ട്.