കൊടുങ്ങല്ലൂർ: താലൂക്ക് വ്യാപാരി വ്യവസായി സഹകരണ സംഘം എസ്എസ്എൽസി, പ്ലസ് ടു പരീക്ഷകളിൽ ഫുൾ എ പ്ലസ് നേടിയ വിദ്യാർഥികളെയും സമൂഹത്തിൽ വിവിധ മേഖലകളിൽ കഴിവുതെളിയച്ച പ്രഗത്ഭരെയും ഉമ്മൻ ചാണ്ടി എഡ്യുക്കേഷണൽ എക്സലൻസി അവാർഡ് നല്കി ആദരിച്ചു.
കോട്ടപ്പുറം മാർക്കറ്റിനു സമീപം നടന്ന ചടങ്ങ് കാർഷിക വികസന ബാങ്ക് പ്രസിഡന്റ് ടി.എം. നാസർ ഉദ്ഘാടനം ചെയ്തു. സംഘം പ്രസിഡന്റ് വി.എം. ജോണി അധ്യക്ഷത വഹിച്ചു. ടി.എസ്. രാജേന്ദ്രൻ ക്ലാസ് നയിച്ചു. ജയിംസ് തിയ്യാടി, ജോഷി ചക്കാമാട്ടിൽ, ഇ.എ. ബഷീർ, സാലി ഫ്രാൻസിസ്, സെക്രട്ടറിഎം.വി. റീജ തുടങ്ങിയവർ പ്രസംഗിച്ചു.