പുത്തൂർ: സിഎൽസിയുടെ നേതൃത്വത്തിൽ വിശുദ്ധ ഇഗ്നേഷ്യസ് ലയോളയുടെ അതിരൂപതാതല അനുസ്മരണം പുത്തൂർ സെന്റ് തോമസ് ഫൊറോന ദേവാലയത്തിൽ നടന്നു.
മാന്ദാമംഗലത്തുനിന്ന് പതാക പ്രയാണവും കൊഴുക്കുള്ളിയിൽനിന്ന് ഛായാചിത്ര പ്രയാണവും പുത്തൂരിൽ എത്തിച്ചേർന്നു. പൊതുസമ്മേളനം ബിഷപ് മാർ ടോണി നീലങ്കാവിൽ ഉദ്ഘാടനം ചെയ്തു. സിഎൽസി തൃശൂർ അതിരൂപത പ്രസിഡന്റ് ജെറിൻ ജോസ് അധ്യക്ഷതവഹിച്ചു. അതിരൂപത സിഎൽസി പ്രമോട്ടർ ഫാ. ഫ്രജോ വാഴപ്പിള്ളി, പുത്തൂർ ഫൊറോന വികാരി ഫാ. ജോജു പനയ്ക്കൽ, സഹവികാരി ഫാ. നിർമൽ അക്കര പട്ട്യേക്കൽ തുടങ്ങിയവർ പങ്കെടുത്തു.