മ്മ്ടെ ​രാ​ഗം തി​യേ​റ്റ​ർ അ​ന്പ​താംപി​റ​ന്നാ​ളി​ലേ​ക്ക്
Tuesday, July 30, 2024 2:01 AM IST
സ്വ​ന്തം ലേ​ഖ​ക​ൻ

തൃ​ശൂ​ർ: മ്മ്ടെ ​രാ​ഗം തി​യേ​റ്റ​റി​ന് അ​ടു​ത്ത​മാ​സം അ​ന്പ​താം പി​റ​ന്നാ​ളാ​ണ്. തൃ​ശൂ​രി​ന്‍റെ സി​നി​മാ​ക്കാ​ഴ്ച​ക​ൾ​ക്ക് എ​ന്നും പു​തു​വി​സ്മ​യ​ങ്ങ​ൾ സ​മ്മാ​നി​ച്ചി​ട്ടു​ള്ള രാ​ഗ​ത്തി​ന്‍റെ അ​ന്പ​താം പി​റ​ന്നാ​ൾ, ആ​ഘോ​ഷ​മാ​ക്കാ​നു​ള്ള ഒ​രു​ക്ക​ത്തി​ലാ​ണ് തൃ​ശൂ​രി​ലെ സി​നി​മാ​പ്രേ​മി​ക​ൾ.

കേ​ര​ള​ത്തി​ലെ മി​ക​ച്ച 10 തി​യേ​റ്റ​റു​ക​ളു​ടെ പ​ട്ടി​ക​യി​ൽ എ​ക്കാ​ല​വും തൃ​ശൂ​ർ രാ​ഗം ഇ​ടം​പി​ടി​ച്ചി​ട്ടു​ണ്ട്. കാ​ഴ്ച​കൊ​ണ്ടും ശ​ബ്ദം​കൊ​ണ്ടും എ​ന്നും പ്രേ​ക്ഷ​ക​രെ വി​സ്മ​യി​പ്പി​ക്കു​ന്ന സ​ജ്ജീ​ക​ര​ണ​ങ്ങ​ളാ​ണ് രാ​ഗ​ത്തി​ലു​ള്ള​ത്. ത​ല​മു​റ​ക​ൾ പ​ല​തും കൈ​മാ​റി​വ​ന്ന​പ്പോ​ഴും ഉ​ട​മ മാ​റി​യ​പ്പോ​ഴും രാ​ഗം എ​ന്നും ത​ല​യെ​ടു​പ്പോ​ടെ തൃ​ശൂ​രി​ന്‍റെ അ​ഭി​മാ​ന​മാ​യി നി​ല​കൊ​ണ്ടു.

1974ൽ ​കെ.​ജെ. ഫ്രാ​ൻ​സി​സാ​ണ് രാ​ഗം തി​യേ​റ്റ​ർ തു​റ​ന്ന​ത്. 1974 ഓ​ഗ​സ്റ്റ് 24-നു ​രാ​ഗ​ത്തി​ൽ പ്ര​ദ​ർ​ശി​പ്പി​ച്ച ആ​ദ്യ​ചി​ത്ര​മാ​യി​രു​ന്നു രാ​മു കാ​ര്യാ​ട്ടി​ന്‍റെ നെ​ല്ല് . സി​നി​മ​യു​ടെ അ​ന്പ​താം​ദി​വ​സ​ത്തെ വി​ജ​യാ​ഘോ​ഷ​ത്തി​നു പ്രേം​ന​സീ​ർ, ജ​യ​ഭാ​ര​തി, അ​ടൂ​ർ ഭാ​സി, ശ​ങ്ക​രാ​ടി, രാ​മു കാ​ര്യാ​ട്ട് തു​ട​ങ്ങി​യ പ്ര​മു​ഖ​ർ തി​യേ​റ്റ​റി​ലെ​ത്തി.

തൃ​ശൂ​രി​ലെ അ​ക്കാ​ല​ത്തെ ഏ​റ്റ​വും വ​ലി​യ കെ​ട്ടി​ട​മാ​യി​രു​ന്നു രാ​ഗം തി​യേ​റ്റ​ർ. 1100-ല​ധി​കം സീ​റ്റു​ക​ളു​ള്ള രാ​ഗം അ​ന്ന് സീ​റ്റിം​ഗ് ക​പ്പാ​സി​റ്റി​യു​ടെ കാ​ര്യ​ത്തി​ൽ സം​സ്ഥാ​ന​ത്തെ ഏ​റ്റ​വും വ​ലി​യ തി​യേ​റ്റ​റു​ക​ളി​ൽ ഒ​ന്നാ​യി​രു​ന്നു. അ​ന്ന​ത്തെ നൂ​ത​ന​സാ​ങ്കേ​തി​ക വി​ദ്യ ഉ​പ​യോ​ഗി​ച്ചാ​ണ് തി​യേ​റ്റ​ർ ആ​രം​ഭി​ച്ച​ത്. എ​ല്ലാ ഷോ​യും പ്ര​ദ​ർ​ശി​പ്പി​ക്കു​ന്ന​തി​നു​മു​ന്പ് ഒ​രു ഇം​ഗ്ലീ​ഷ് ഗാ​ന​ത്തി​ന്‍റെ സം​ഗീ​ത​ത്തോ​ടെ സ്ക്രീ​ൻ ക​ർ​ട്ട​ൻ ഉ​യ​ർ​ത്തു​ന്ന പ​തി​വ് രാ​ഗ​ത്തി​ലാ​ണ് ആ​രം​ഭി​ച്ച​ത്.

ജോ​ർ​ജ് നേ​രേ​പ​റ​ന്പി​ൽ തി​യേ​റ്റ​ർ വാ​ങ്ങി​യ​പ്പോ​ൾ രാ​ഗ​ത്തി​ന്‍റെ പേ​ര് ജോ​ർ​ജേ​ട്ട​ൻ​സ് രാ​ഗം എ​ന്നാ​ക്കി. 2015 ഫെ​ബ്രു​വ​രി എ​ട്ടി​ന്, തി​യേ​റ്റ​ർ നി​ല​നി​ർ​ത്തി പു​തി​യ വ്യ​വ​സാ​യ​സ​മു​ച്ച​യം നി​ർ​മി​ക്കു​ന്ന​തി​നാ​യി തി​യേ​റ്റ​ർ അ​ട​ച്ചു. ആ​മ​യും മു​യ​ലും എ​ന്ന ചി​ത്ര​മാ​ണ് അ​വ​സാ​ന​മാ​യി പ്ര​ദ​ർ​ശി​പ്പി​ച്ച​ത്. പി​ന്നീ​ട് 2018 ഒ​ക്ടോ​ബ​ർ 10 നു ​വ​ലി​യ ന​വീ​ക​ര​ണ​ത്തി​നു​ശേ​ഷം കാ​യം​കു​ളം കൊ​ച്ചു​ണ്ണി​യു​ടെ പ്ര​ദ​ർ​ശ​ന​ത്തോ​ടെ രാ​ഗം വീ​ണ്ടും തു​റ​ന്നു. നി​ല​വി​ലു​ള്ള 1100 സീ​റ്റു​ക​ൾ വീ​തി​കൂ​ട്ടി വി​ശാ​ല​മാ​ക്കി 800 സീ​റ്റു​ക​ളാ​യി ചു​രു​ങ്ങി.


മ​ല​യാ​ള​സി​നി​മ​യി​ൽ സം​ഭ​വി​ച്ച എ​ല്ലാ ച​രി​ത്ര​സം​ഭ​വ​ങ്ങ​ൾ​ക്കും രാ​ഗം സാ​ക്ഷി​യാ​യി​ട്ടു​ണ്ട്. മ​ല​യാ​ള​സി​നി​മ​യി​ലെ സാ​ങ്കേ​തി​ക​പു​തു​മ​ക​ളും പ​രീ​ക്ഷ​ണ​ങ്ങ​ളും എ​ല്ലാം രാ​ഗ​ത്തി​ലാ​ണ് പ്രേ​ക്ഷ​ക​ർ ക​ണ്ട​ത്. ആ​ദ്യ​ത്തെ സി​നി​മാ​സ്കോ​പ്പ് ചി​ത്രം ത​ച്ചോ​ളി അ​ന്പു, ആ​ദ്യ​ത്തെ 70 എം​എം ചി​ത്രം പ​ട​യോ​ട്ടം, ആ​ദ്യ​ത്തെ ത്രീ​ഡി സി​നി​മ മൈ ​ഡി​യ​ർ കു​ട്ടി​ച്ചാ​ത്ത​ൻ എ​ന്നി​വ​യെ​ല്ലാം ഇ​വി​ടെ പ്ര​ദ​ർ​ശി​പ്പി​ച്ചു. ഷോ​ലെ, ബെ​ൻ​ഹ​ർ, ടൈ​റ്റാ​നി​ക് തു​ട​ങ്ങി​യ ചി​ത്ര​ങ്ങ​ൾ അ​തി​ന്‍റെ എ​ല്ലാ സൗ​ന്ദ​ര്യ​ത്തോ​ടെ​യും കാ​ണാ​ൻ രാ​ഗം പ്രേ​ക്ഷ​ക​ർ​ക്കു വ​ഴി​യൊ​രു​ക്കി. ടൈ​റ്റാ​നി​ക് 140 ദി​വ​സ​മാ​ണ് പ്ര​ദ​ർ​ശി​പ്പി​ച്ച​ത്.
കേ​ര​ള​ത്തി​ൽ അ​ങ്ങോ​ള​മി​ങ്ങോ​ള​മു​ള്ള സി​നി​മാ​പ്രേ​മി​ക​ൾ ഒ​രു​ത​വ​ണ​യെ​ങ്കി​ലും തൃ​ശൂ​ർ രാ​ഗ​ത്തി​ൽ സി​നി​മ ക​ണ്ടി​ട്ടു​ണ്ട്. മു​ക​ളി​ലേ​ക്കു പി​രി​ഞ്ഞു​വ​ള​ഞ്ഞു​പോ​കു​ന്ന ഗോ​വ​ണി​യും, ആ​ന​യും താ​മ​ര​ക്കു​ള​വും എ​ല്ലാം സെ​റ്റ് ചെ​യ്ത ഇ​ന്‍റീ​രി​യ​ർ ഡെ​ക്ക​റേ​ഷ​നും രാ​ഗ​ത്തി​ന്‍റെ എ​ക്കാ​ല​ത്തെ​യും അ​ദ്ഭു​ത​ക്കാ​ഴ്ച​ക​ൾ.

രാ​ഗം തി​യേ​റ്റ​റി​നൊ​രു മ​ണ​മു​ണ്ട്. എ​സി​യു​ടെ കു​ളി​ർ​മ​യി​ൽ സ്പ്രേ ​ചെ​യ്യു​ന്ന ഫ്ര​ഷ് എ​യ​റി​ന്‍റെ മ​ണം. സി​നി​മ ക​ഴി​ഞ്ഞു തി​യേ​റ്റ​ർ വി​ട്ടി​റ​ങ്ങി വീ​ട്ടി​ലെ​ത്തി​യാ​ലും ഒ​രു​പാ​ടു​നേ​രം അ​തു വ​സ്ത്ര​ത്തി​ലും ശ​രീ​ര​ത്തി​ലും ത​ങ്ങി​നി​ൽ​ക്കും.

അ​തു​കൊ​ണ്ടു​ത​ന്നെ നു​ണ​പ​റ​ഞ്ഞു രാ​ഗ​ത്തി​ൽ സി​നി​മ കാ​ണാ​ൻ​പോ​ക്ക് എ​ളു​പ്പ​മ​ല്ല. മ​ണ​ത്തു ക​ണ്ടു​പി​ടി​ക്കാ​ൻ പ​റ്റും, രാ​ഗ​ത്തി​ൽ​നി​ന്നാ​ണ് വ​രു​ന്ന​ത് എ​ന്ന്. അ​ങ്ങ​നെ സി​നി​മാ​ക്കാ​ഴ്ച​യു​ടെ ഭം​ഗി​യും സു​ഗ​ന്ധ​വും പേ​റി തൃ​ശൂ​ർ രാ​ഗം അ​ന്പ​താം പി​റ​ന്നാ​ളി​ന്‍റെ ആ​ഘോ​ഷ​ത്തി​നു ഒ​രു​ങ്ങു​ക​യാ​ണ്.