ഉ​രു​ൾ​പൊ​ട്ട​ൽ ഭീ​ഷ​ണി​യി​ൽ ര​ണ്ടു കു​ടും​ബ​ങ്ങ​ൾ
Saturday, August 3, 2024 1:06 AM IST
ഇ​രി​ട്ടി: വ​യ​നാ​ട്ടി​ലെ ഉ​രു​ൾ​പൊ​ട്ട​ലി​ൽ ജ​നം ന​ടു​ങ്ങി നി​ൽ​ക്കു​മ്പോ​ൾ അ​യ്യ​ൻ​കു​ന്ന് പ​ഞ്ചാ​യ​ത്തി​ൽ ഉ​രു​ൾ​പൊ​ട്ട​ൽ ഭീ​ഷ​ണി​യി​ൽ ര​ണ്ടും കു​ടും​ബ​ങ്ങ​ൾ. 2018ലെ ​പ്ര​ള​യ​ത്തി​ൽ നി​ന്നും അ​ത്ഭു​ത​ക​ര​മാ​യി ര​ക്ഷ​പ്പെ​ട്ട വാ​ണി​യ​പ്പാ​റ ച​ര​ൾ റോ​ഡി​ൽ മു​രി​ക്കും​ക​രി​യി​ൽ താ​മ​സി​ക്കു​ന്ന ക​രോ​ട്ട് സു​ലോ​ച​ന, കു​ള​മ​റ്റ​ത്തി​ൽ ലി​സി എ​ന്നി​വ​രു​ടെ കു​ടും​ബ​ങ്ങ​ളാ​ണ് ഓ​രോ മ​ഴ​ക്കാ​ല​ത്തും ഭീ​തി​യോ​ടെ ക​ഴി​യു​ന്ന​ത്. ഉ​രു​ൾ​പൊ​ട്ട​ൽ സാ​ധ്യ​ത അ​ധി​ക​മു​ള്ള പാ​റ​യ്ക്കാ​മ​ല​യു​ടെ താ​ഴ്ന്ന പ്ര​ദേ​ശ​ത്താ​ണ് ഇ​രു​വ​രു​ടെ​യും വീ​ടു​ക​ൾ.

2018 ലെ ​​പ്ര​ള​യ​ത്തിനു ശേഷം ര​ണ്ടു കു​ടും​ബ​ങ്ങ​ളും ആ​ഴ്ച​ക​ളോ​ളം ദു​രി​താ​ശ്വാ​സ ക്യാ​മ്പി​ലാ​യി​രു​ന്നു. തോ​ടി​നോടു ചേ​ർ​ന്ന് അ​തീ​വ അ​പ​ക​ടസാ​ധ്യ​ത​യു​ള്ള പ്ര​ദേ​ശ​ത്താണ് ഇ​രു​വ​രു​ടെ​യും വീ​ടു​ക​ൾ. നാ​ലും അ​ഞ്ചും സെ​ന്‍റ് ഭൂ​മി മാ​ത്ര​മു​ള്ള ഇ​വ​ർ​ക്ക് സ്വ​ന്ത​മാ​യി മ​റ്റൊ​രി​ട​ത്തേ​ക്ക് മാ​റി താ​മ​സി​ക്കാ​ൻ ക​ഴി​വു​മി​ല്ല. ഈ ​സാ​ഹ​ച​ര്യ​ത്തി​ൽ

സു​ര​ക്ഷി​ത​സ്ഥാ​ന​ത്തേ​ക്ക് ത​ങ്ങ​ളെ പു​ന​ര​ധി​വ​സി​പ്പി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ഇ​രു​വ​രും സ​ർ​ക്കാ​രി​ന് നി​വേ​ദ​നം ന​ൽ​കി​യി​രു​ന്നു. എ​ന്നാ​ൽ, സ​ർ​ക്കാ​ർ ഓ​ഫീ​സു​ക​ൾ ക​യ​റി​യി​റ​ങ്ങി​യ​ത​ല്ലാ​തെ ഒ​രു ന​ട​പ​ടി​യും ഉ​ണ്ടാ​യി​ല്ലെ​ന്ന് ഇ​വ​ർ പ​റ​ഞ്ഞു. മ​ഴ​ക്കാ​ല​മാ​യാ​ൽ കൈ​യി​ൽ കി​ട്ടു​ന്ന സാ​ധ​ന​ങ്ങ​ളും വാ​രി​കെ​ട്ടി ദു​രി​താ​ശ്വാ​സ ക്യാ​മ്പു​ക​ളെ ആ​ശ്ര​യി​ക്കേ​ണ്ട ഗ​തി​കേ​ടി​ലാ​ണ് ഇ​വ​ർ.

അ​പ​ക​ടസാ​ധ്യ​താ മേ​ഖ​ല

ചെ​റി​യ തോ​തി​ലു​ള്ള ഉ​രു​ൾ​പൊ​ട്ട​ൽ ഉ​ണ്ടാ​യാ​ൽ പോ​ലും വ​ലി​യ അ​പ​ക​ട​സാ​ധ്യ​ത​യു​ള്ള സ്ഥ​ല​ത്താ​ണ് ഇ​രു​കു​ടും​ബ​ങ്ങ​ളു​ടെ​യും വീ​ടു​ക​ൾ. ക​ഴി​ഞ്ഞ ദി​വ​സം പാ​റ​യ്ക്കാ​മ​ല​യി​ൽ ഉ​ണ്ടാ​യ ഉ​രു​ൾ​പൊ​ട്ട​ൽ സ​മ​യ​ത്ത് ര​ണ്ട് കു​ടും​ബ​ങ്ങ​ളെ​യും ദു​രി​താ​ശ്വാ​സ ക്യാ​മ്പു​ക​ളി​ലേ​ക്ക് മാ​റ്റി​യി​രു​ന്നു. 2018 ലെ ​ഉ​രു​ൾ​പൊ​ട്ട​ലി​ന് ശേ​ഷം മ​ഴ ക​ന​ക്കു​ന്ന​തോ​ടെ അ​ധി​കൃ​ത​ർ ആ​ദ്യം മാ​റ്റി​പാ​ർ​പ്പി​ക്കു​ന്ന​തും ഇ​വ​രെ​യാ​ണ്. ര​ണ്ടു വീ​ടു​ക​ളി​ലും കു​ടി​വെ​ള്ള​ത്തി​നാ​യി ഉ​പ​യോ​ഗി​ക്കു​ന്ന കി​ണ​റു​ക​ൾ ഉ​ൾ​പ്പെ​ടെ ക്വാ​റി​യി​ൽ നി​ന്നു​ള്ള വെ​ള്ളം ക​ല​ർ​ന്ന് മ​ലി​ന​മാ​കു​ന്ന​താ​യും പ​രാ​തി​യു​ണ്ട്.


ലൈ​ഫി​ൽ വീ​ട്
അ​നു​വ​ദി​ച്ചു

നാ​ലു സെ​ന്‍റ് സ്ഥ​ല​ത്തെ ഷീ​റ്റി​ട്ട വീ​ട്ടി​ൽ വ​ർ​ഷ​ങ്ങ​ളാ​യി ക​ഴി​യു​ന്ന ലി​സി​ക്കും കു​ടും​ബ​ത്തി​നും ലൈ​ഫ് ഭ​വ​ന പ​ദ്ധ​തി​യി​ൽ വീ​ട് അ​നു​വ​ദി​ച്ചെ​ങ്കി​ലും അ​പ​ക​ട ഭീ​ഷ​ണി​യു​ള്ള ഇ​വി​ടെ ത​ന്നെ വീ​ട് നി​ർ​മി​ച്ചി​ട്ട് എ​ന്ത് കാ​ര​മ്യ​മെ​ന്നാ​ണ് ഇ​വ​ർ ചോ​ദി​ക്കു​ന്ന​ത്. പ്ര​ത്യേ​ക സാ​ഹ​ച​ര്യം പ​രി​ഗ​ണി​ച്ച് സ​ർ​ക്കാ​ർ ത​ല​ത്തി​ൽ അ​ടി​യ​ന്തര സ​ഹാ​യം ന​ൽ​കി മ​റ്റൊ​രി​ട​ത്തേ​ക്ക് വീ​ടും സ്ഥ​ല​വും അ​നു​വ​ദി​ക്ക​ണ​മെ​ന്നാ​ണ് ഈ ​കു​ടും​ബ​ത്തി​ന്‍റെ ആ​വ​ശ്യം.

വി​ധ​വ​യാ​യ സു​ലോ​ച​ന​യു​ടേ​തും സ​മാ​ന അ​വ​സ്ഥ​യാ​ണ്. ഇ​രു​വ​രു​ടെ​യും കാ​ര്യ​ത്തി​ൽ പ​ഞ്ചാ​യ​ത്തി​നും ആ​ശ​ങ്ക​യു​ണ്ടെ​ങ്കി​ലും ത​ദ്ദേ​ശ സ്ഥാ​പ​ന​ങ്ങ​ൾ​ക്ക് ചെ​യ്തു കൊ​ടു​ക്കാ​വു​ന്ന​തി​ലും അ​പ്പു​റ​മാ​ണ് കാ​ര്യ​ങ്ങ​ൾ. അ​തുകൊ​ണ്ടു ത​ന്നെ സ​ർ​ക്കാ​ർ ഇ​രു​വ​രു​ടെ​യും കാ​ര്യ​ത്തി​ൽ ഇ​ട​പെ​ടേ​ണ്ട​തു​ണ്ടെ​ന്നാ​ണ് ജ​ന​പ്ര​തി​നി​ധി​ക​ളും പ്ര​ദേ​ശ​വാ​സി​ക​ളും ആ​വ​ശ്യ​പ്പെ​ടു​ന്ന​ത്.