ചെറുപുഴ: തിരുമേനി മുതുവം റോഡിൽ പിക്കപ്പ് ജീപ്പ് അപകടത്തിൽപെട്ടു. പരുത്തിക്കല്ലിൽ നിന്നും തിരുമേനിയിലേക്ക് പോകുകയായിരുന്ന വാഹനം ആനക്കല്ല് ഭാഗത്താണ് നിയന്ത്രണം വിട്ട് അപകടത്തിൽപെട്ടത്. വാഹനത്തിന്റെ മുൻഭാഗം റോഡിൽ നിന്നും പുറത്തേക്കുള്ള താഴ്ചയിലേക്ക് നീങ്ങിയ നിലയിലായിരുന്നു. നാട്ടുകാരും തിരുമേനിയിൽ നിന്നുമെത്തിയ തൊഴിലാളികളും ചേർന്ന് വലിച്ചാണ് വാഹനം റോഡിലേക്ക് മാറ്റുകയായിരുന്നു. അപകടത്തിൽ ആർക്കും പരിക്കില്ല.