തളിപ്പറമ്പ്: വയനാട്ടിലെ ഉരുൾപൊട്ടിയ മേഖലയിൽ ജോലി ചെയ്യുന്ന പോലീസുകാർക്കായി കണ്ണൂർ റൂറൽ കേരള പോലീസ് അസോസിയേഷൻ, കേരള പോലീസ് ഓഫീസേഴ്സ് അസോസിയേഷൻ മൊബൈൽ ഫോൺ റീട്ടെയിലേഴ്സ് അസോസിയേഷനുമായി സഹകരിച്ച് കുടകൾ എത്തിച്ചു നൽകുന്നു. കേരള പോലീസ് ഓഫീസേഴ്സ് അസോസിയേഷന്‍ സംസ്ഥാന ജോയിന്‍റ് സെക്രട്ടറി രമേശന്‍ വെള്ളോറ മൊബൈല്‍ ഫോണ്‍ റീട്ടെയിലേഴ്സ് അസോസിയേഷന്‍ ഓഫ് കേരള കണ്ണൂര്‍ ജില്ല ട്രഷറര്‍ നൗഷാദ് തളിപ്പറമ്പില്‍ നിന്നും കുടകൾ ഏറ്റുവാങ്ങി. തളിപ്പറന്പിൽ നടന്ന ചടങ്ങിൽ കേരള പോലീസ് അസോസിയേഷന്‍ കണ്ണൂര്‍ റൂറല്‍ ജില്ലാ സെക്രട്ടറി കെ.പ്രിയേഷ്, പ്രസിഡന്‍റ് ടി.വി ജയേഷ്, ഓഫീസേഴ്സ് അസോ. ജില്ലാവൈസ് പ്രസിഡന്‍റ് കെ. പ്രസാദ് എന്നിവർ പങ്കെടുത്തു.