ഇരിട്ടി: റോഡിൽ കണ്ട പെരുന്പാന്പിനെ രക്ഷിക്കാനായി വെട്ടിച്ച കാർ നിയന്ത്രണം വിട്ട് മറിഞ്ഞു. കാറിലുണ്ടായിരുന്നവർ നിസാര പരിക്കുകളോടെ രക്ഷപ്പെട്ടു. ഇരിട്ടി കൂട്ടുപുഴ റോഡിൽ വളവുപാറയിൽ ഇന്നലെ രാത്രി ഒൻപതോടെയായിരുന്നു സംഭവം. ഇരിട്ടി ഭാഗത്ത് നിന്ന് പേരട്ടയിലേക്ക് പോകുകായിരുന്നു കാർ യാത്രികർ. പിന്നീട് സമീപത്തെ കുന്നുമ്മൽ ആമിന എന്നവരുടെ വീടിന്റെ തിണ്ണയിൽ കയറിയ പാന്പിനെ സ്നേക്ക് റസ്ക്യുവർ ഫൈസൽ എത്തി പിടികൂടി കാട്ടിലേക്ക് തുറന്നു വിട്ടു.