തലശേരി: വിലങ്ങാട് മഴക്കെടുതിയിലും ഉരുള്പൊട്ടലിലും സർവവും നഷ്ടപ്പെട്ടവർക്ക് അവശ്യവസ്തുക്കളും സാന്പത്തിക സഹായവും നൽകി തലശേരി സോഷ്യൽ സർവീസ് സൊസൈറ്റി. ദുരിതാശ്വാസ ക്യാന്പുകളിലായി കഴിഞ്ഞുവരുന്ന 500 ഓളം പേർക്കാണ് ടിഎസ്എസ്എസ് സഹായമെത്തിച്ചു നൽകിയത്. ടിഎസ്എസ്എസ് ഡയറക്ടർ ഫാ. ബിബിൻ വരന്പകത്ത്, അസോസിയേറ്റ് ഡയറക്ടർ ഫാ. ലൂക്കോസ് മാടശേരി എന്നിവർ ദുരന്തബാധിത പ്രദേശങ്ങൾ സന്ദർശിച്ച് തലശേരി അതിരൂപതയുടെ തുടർസഹായങ്ങളും പിന്തുണയും വാഗ്ദാനം ചെയ്തു.