ഗു​മ​സ്ത​നാ​യി 30 വ​ർ​ഷം; ഗം​ഗാ​ധ​ര​ൻ ഇ​നി വ​ക്കീ​ൽ കോ​ട്ട​ണി​യും
Friday, August 2, 2024 1:43 AM IST
കാ​ഞ്ഞ​ങ്ങാ​ട്: വ​ക്കീ​ൽ ഗു​മ​സ്ത​നെ​ന്ന നി​ല​യി​ൽ മു​പ്പ​തു​വ​ർ​ഷ​മാ​യി ഹൊ​സ്ദു​ർ​ഗ് കോ​ട​തി​യി​ലും ഓ​ഫീ​സി​ലും സ​ജീ​വ​മാ​യി​രു​ന്ന നീ​ലേ​ശ്വ​രം പ​ടി​ഞ്ഞാ​റ്റം​കൊ​ഴു​വ​ലി​ലെ പ​ള്ളി​യ​ത്ത് ഗം​ഗാ​ധ​ര​ൻ (52) ഇ​നി വ​ക്കീ​ലി​ന്‍റെ കോ​ട്ട​ണി​യും. പ്രീ​ഡി​ഗ്രി വി​ദ്യാ​ഭ്യാ​സ​വു​മാ​യി വ​ക്കീ​ൽ ഓ​ഫീ​സി​ൽ ജോ​ലി​ക്കെ​ത്തി​യ ഗം​ഗാ​ധ​ര​ൻ ജോ​ലി​ക്കി​ട​യി​ൽ ബി​എ​യും എ​ൽ​എ​ൽ​ബി​യും പ​ഠി​ച്ചു പാ​സാ​യാ​ണ് വ​ക്കീ​ലാ​യ​ത്. ഞാ​യ​റാ​ഴ്ച ഹൈ​ക്കോ​ട​തി​യി​ൽ ന​ട​ന്ന ച​ട​ങ്ങി​ൽ ആ​ക്ടിം​ഗ് ചീ​ഫ് ജ​സ്റ്റീ​സ് മു​ഹ​മ്മ​ദ് മു​ഷ്താ​ഖി​ൽ​നി​ന്ന് സ​ർ​ട്ടി​ഫി​ക്ക​റ്റ് സ്വീ​ക​രി​ച്ച് എ​ന്‍ റോ​ൾ ചെ​യ്തു.

കോ​ൺ​ഗ്ര​സ് നേ​താ​വാ​യി​രു​ന്ന അ​ഡ്വ.​എ. മ​മ്മൂ​ട്ടി​യു​ടെ ഓ​ഫീ​സി​ലെ ജൂ​നി​യ​ർ ക്ലാ​ർ​ക്കാ​യി 1992 ലാ​ണ് ഗം​ഗാ​ധ​ര​ൻ ജോ​ലി​യി​ൽ പ്ര​വേ​ശി​ച്ച​ത്. ര​ണ്ടു​വ​ർ​ഷ​ത്തി​നു ശേ​ഷം അ​ഡ്വ.​കെ.​കെ.​ജീ​വാ​ന​ന്ദി​നൊ​പ്പം മു​ഴു​വ​ൻ​സ​മ​യ ക്ലാ​ർ​ക്കാ​യി. ന​ന്നേ ചെ​റു​പ്പ​ത്തി​ൽ ജോ​ലി​യി​ൽ പ്ര​വേ​ശി​ച്ച​തു​കൊ​ണ്ട് പെ​ട്ടെ​ന്നു​ത​ന്നെ ഓ​ഫീ​സ് ജോ​ലി​ക​ളെ​ല്ലാം കൃ​ത്യ​മാ​യി പ​ഠി​ച്ചെ​ടു​ത്തു. ര​ണ്ടു ദ​ശ​ക​ത്തോ​ളം കോ​ട​തി​യി​ലെ പ​തി​വു സാ​ന്നി​ധ്യ​മാ​യി. 2014ൽ ​ഒ​രു വാ​ഹ​നാ​പ​ക​ട​ത്തി​ൽ ഗു​രു​ത​ര​മാ​യി പ​രി​ക്കേ​റ്റ അ​ഡ്വ. ജീ​വാ​ന​ന്ദി​ന് ര​ണ്ടു​വ​ർ​ഷ​ത്തോ​ളം ഓ​ഫീ​സി​ൽ വ​രാ​ൻ ക​ഴി​യാ​തി​രു​ന്ന​പ്പോ​ൾ അ​നേ​കം കേ​സു​ക​ളു​ള്ള ഓ​ഫീ​സി​ന്‍റെ ചു​മ​ത​ല​ക​ൾ ഒ​റ്റ​യ്ക്ക് നി​ർ​വ​ഹി​ക്കേ​ണ്ടി​വ​ന്നു.

പ​യ്യ​ന്നൂ​രി​ൽ നി​ന്നു​ള്ള ജൂ​ണി​യ​ർ അ​ഭി​ഭാ​ഷ​ക​യാ​യ ആ​തി​ര​യാ​യി​രു​ന്നു അ​ന്നു വ​ക്കീ​ലി​ന്‍റെ റോ​ളി​ൽ. ദൈ​നം​ദി​ന ജോ​ലി​ക​ളെ​ല്ലാം ഗം​ഗാ​ധ​ര​ൻ നി​ർ​വ​ഹി​ച്ച​പ്പോ​ൾ വ​ക്കീ​ൽ നേ​രി​ട്ടെ​ത്തേ​ണ്ട വേ​ള​ക​ളി​ൽ ആ​തി​ര പ​യ്യ​ന്നൂ​രി​ൽ​നി​ന്ന് വ​ന്നു. തു​ട​ർ​ന്ന് 2016ൽ ​അ​ഡ്വ. ജീ​വാ​ന​ന്ദ് അ​ന്ത​രി​ച്ച​തോ​ടെ ഓ​ഫീ​സി​ലും ഗം​ഗാ​ധ​ര​ന്‍റെ മ​ന​സി​ലും ശൂ​ന്യ​ത​യാ​യി.

പി​ന്നീ​ട് ഓ​ഫീ​സ് ഏ​റ്റെ​ടു​ത്തു ന​ട​ത്തി​യ അ​ഡ്വ.​എ.​അ​ബ്ദു​ൽ ക​രീം, അ​ഡ്വ.​ടി.​വി.​അ​നി​ൽ​കു​മാ​ർ എ​ന്നി​വ​ർ​ക്കൊ​പ്പം ജോ​ലി​യി​ൽ തു​ട​ർ​ന്നു. ഓ​ഫീ​സി​ൽ ത​ങ്ങ​ളേ​ക്കാ​ൾ സീ​നി​യ​റാ​യ ഗം​ഗാ​ധ​ര​ന് വ​ക്കീ​ലാ​കാ​നു​ള്ള ഉ​പ​ദേ​ശ​വും പ്രേ​ര​ണ​യും ന​ല്കി​യ​ത് ഇ​വ​ർ ര​ണ്ടു​പേ​രു​മാ​ണ്. പ​ഠി​ക്കാ​നു​ള്ള ആ​ഗ്ര​ഹ​വും ഊ​ർ​ജ​വും എ​ന്നും മ​ന​സി​ൽ സൂ​ക്ഷി​ച്ചി​രു​ന്ന ഗം​ഗാ​ധ​ര​ൻ അ​തി​നി​ട​യി​ൽ ക​ണ്ണൂ​ർ സ​ർ​വ​ക​ലാ​ശാ​ല​യു​ടെ വി​ദൂ​ര വി​ദ്യാ​ഭ്യാ​സ വി​ഭാ​ഗ​ത്തി​ൽ​നി​ന്ന് ബി​എ മ​ല​യാ​ളം പാ​സാ​യി​രു​ന്നു.


സു​ള്ള്യ​യി​ലെ കെ​വി​ജി ലോ ​കോ​ള​ജി​ൽ പ്രാ​യ​പ​രി​ധി​യി​ല്ലാ​തെ പ​ല​രും റ​ഗു​ല​റാ​യി​ത്ത​ന്നെ എ​ൽ​എ​ൽ​ബി​ക്ക് പ്ര​വേ​ശ​നം നേ​ടാ​റു​ണ്ട്. അ​ബ്ദു​ൽ ക​രീ​മും അ​നി​ലും ഇ​ക്കാ​ര്യം ചൂ​ണ്ടി​ക്കാ​ണി​ച്ച് ഗം​ഗാ​ധ​ര​നെ പ്രോ​ത്സാ​ഹി​പ്പി​ച്ചു. അ​ങ്ങ​നെ 2020 ഡി​സം​ബ​റി​ൽ ഗം​ഗാ​ധ​ര​നും എ​ൽ​എ​ൽ​ബി​ക്ക് ചേ​ർ​ന്നു.

ഇ​തോ​ടെ കാ​ൽ​നൂ​റ്റാ​ണ്ടി​നു ശേ​ഷം ആ​ദ്യ​മാ​യി ഭാ​ഗി​ക​മാ​യെ​ങ്കി​ലും ജോ​ലി​യി​ൽ​നി​ന്നു മാ​റി നി​ന്നു. പു​ല​ർ​ച്ചെ 5.45നു ​കാ​ഞ്ഞ​ങ്ങാ​ട് നി​ന്നു​ള്ള കെ​എ​സ്ആ​ർ​ടി​സി ബ​സി​ലും സ്വ​ന്തം ബൈ​ക്കി​ൽ ഇ​രി​യ-​കാ​ഞ്ഞി​ര​ടു​ക്കം വ​ഴി​യു​മെ​ല്ലാം പ​ര​മാ​വ​ധി ദി​വ​സ​ങ്ങ​ളി​ൽ കോ​ള​ജി​ലെ​ത്തി. ഭാ​ര്യ ദീ​പ​യും മ​ക്ക​ളാ​യ ശ്രീ​ദേ​വി​യും ഹ​രി​ഗോ​വി​ന്ദും സ​ഹോ​ദ​രി പ​ത്മി​നി​യും എ​ല്ലാ​വി​ധ പി​ന്തു​ണ​യും പ്രോ​ത്സാ​ഹ​ന​വു​മാ​യി ഒ​പ്പം​നി​ന്നു. ഓ​ഫീ​സി​ൽ ജോ​ലി​ത്തി​ര​ക്കേ​റു​മ്പോ​ൾ മ​റ്റ് ക്ലാ​ർ​ക്കു​മാ​ർ സ​ഹാ​യി​ക്കാ​നെ​ത്തി. അ​ങ്ങ​നെ ക​ഴി​ഞ്ഞ മേ​യ് മാ​സ​ത്തി​ലാ​ണ് എ​ൽ​എ​ൽ​ബി പാ​സാ​യ​ത്.

എ​ൻ​റോ​ൾ ചെ​യ്ത​തി​നു പി​ന്നാ​ലെ ഇ​ത്ര​യും​കാ​ലം ഗു​മ​സ്ത​നാ​യി ജോ​ലി ചെ​യ്ത ഓ​ഫീ​സി​നു മു​ന്നി​ൽ അ​ഡ്വ.​പി.​ഗം​ഗാ​ധ​ര​ന്‍റെ ബോ​ർ​ഡ് കൂ​ടി തെ​ളി​ഞ്ഞു. 30 വ​ർ​ഷം ഗം​ഗാ​ധ​ര​ൻ ഇ​രു​ന്ന ഗു​മ​സ്ത​ന്‍റെ ക​സേ​ര​യി​ൽ പു​തി​യ ആ​ളെ​ത്തി. ഇ​നി ജോ​ലി ചെ​യ്യു​ന്ന​ത് ഗം​ഗാ​ധ​ര​ന്‍റെ കൂ​ടെ​യാ​യ​തു​കൊ​ണ്ട് പു​തി​യ ഗു​മ​സ്ത​നും എ​പ്പോ​ൾ വ​ക്കീ​ലാ​കു​മെ​ന്ന് പ​റ​യാ​ൻ ക​ഴി​യി​ല്ലെ​ന്ന് ഓ​ഫീ​സി​ൽ ഒ​പ്പ​മു​ള്ള അ​ബ്ദു​ൽ ക​രീ​മി​ന്‍റെ​യും അ​നി​ൽകു​മാ​റി​ന്‍റെ​യും ക​മ​ന്‍റ്!