കരുവഞ്ചാൽ: കരുവഞ്ചാൽ സെന്റ് ജോസഫ്സ് ആശുപത്രിയുടെ പുതിയ ബ്ലോക്കിന്റെ ആശീർവാദ കർമവും ഉദ്ഘടനവും തലശേരി അതിരൂപത ആർച്ച്ബിഷപ് മാർ ജോസഫ് പാംപ്ലാനി നിർവഹിച്ചു. ഡീലക്സ്, സെമി ഡീലക്സ്, നോർമൽ റൂം എന്നിങ്ങനെ 43 റൂമുകൾ അടങ്ങിയതാണ് പുതിയ ബ്ലോക്ക്. ഹോസ്പിറ്റൽ ഡയറക്ടർ ഫാ. സാബു പുതുശേരി ആമുഖപ്രഭാഷണം നടത്തി.
ചടങ്ങിൽ നിർമാണ രംഗത്ത് പ്രവർത്തിച്ചവരെ ആദരിച്ചു. ആർച്ച്ബിഷപ് എമരിറ്റസ് മാർ ജോർജ് ഞറളക്കാട്ട്, മോൺ. ആന്റണി മുതുകുന്നേൽ, മോൺ. സെബാസ്റ്റ്യൻ പാലാക്കുഴി, ഫാ. ജോജി കാക്കരമറ്റം, ഫൊറോനാ വികാരി റവ.ഡോ. തോമസ് തെങ്ങുംപള്ളിൽ, റവ.ഡോ. ഫിലിപ്പ് കവിയിൽ, ഫാ.ജോസഫ് ഈനാശേരിയിൽ എന്നിവർ പ്രസംഗിച്ചു. ഗൈനക്കോളജി വിഭാഗത്തിന്റെ കീഴിൽ പുതിയ പദ്ധതിയായ രാരീരം, മെഡ് ടൂർ, ഹോസ്പിറ്റൽ ബ്രോഷർ എന്നിവ പ്രകാശനം ചെയ്തു.