ചപ്പാരപ്പടവ്: നാടുകാണി-കൂവേരി റോഡിൽ ശ്മശാനത്തിനു സമീപം തെരുവുനായ ശല്യം രൂക്ഷം. ഇരുചക്ര വാഹനങ്ങൾക്ക് ഉൾപ്പെടെ ഇതുവഴി യാത്ര ചെയ്യാൻ കഴിയാത്ത സ്ഥിതിയാണ്. പ്രദേശത്ത് സ്ട്രീറ്റ് ലൈറ്റുകൾ ഇല്ലാത്തതിനാൽ രാത്രികാലങ്ങളിൽ ഇതുവഴി യാത്ര ചെയ്യുന്നവരെ തെരുവുനായകൾ അക്രമിക്കുന്നത് പതിവ് സംഭവം ആവുകയാണ്. സ്കൂളുകളിലേക്ക് പോകുന്ന വിദ്യാർഥികൾക്കും തെരുവുനായ ഭീഷണി സൃഷ്ടിക്കുന്നുണ്ട്. നിരവധി തവണ പഞ്ചായത്തിൽ പരാതിപ്പെട്ടിട്ടും ഒരു നടപടിയും ഉണ്ടാകുന്നില്ലെന്ന് പഞ്ചായത്തംഗം കെ.വി. രാഘവൻ പറഞ്ഞു.