പയ്യാവൂർ: ചമതച്ചാൽ പ്രദേശത്ത് കഴിഞ്ഞ ദിവസം രാത്രിയുണ്ടായ ചുഴലിക്കാറ്റിൽ വൻതോതിലുള്ള കൃഷി നാശം. നാഗനാടിയിൽ തോമസ് കോര, നാഗനാടിയിൽ കുര്യാക്കോ എന്നിവരുടെ കൃഷിയിടത്തിലെ റബർ, കശുമാവ് എന്നിവയാണ് കൂടുതലായും നശിച്ചത്.
നാഗനാടിയിൽ ജോർജ്, ഒറവക്കുഴിയിൽ ജോസ്, തേനംമാക്കിൽ ജോസഫ് എന്നിവരുടെ കൃഷിയിടങ്ങളിലും വ്യാപക നാശമുണ്ടായിട്ടുണ്ട്. നിരവധി വൈദ്യുത തൂണുകളും ലൈനുകളും തകർന്ന് പ്രദേശത്തെ വൈദ്യുതി വിതരണവും തകരാറിലായിരുന്നു. മരങ്ങൾ കടപുഴകി റോഡിൽ വീണ് ഏറെ നേരം ഗതാഗതവും തടസപ്പെട്ടു.