നി​യ​മ​വി​രു​ദ്ധ പ്ര​വ​ര്‍​ത്ത​ന​ങ്ങ​ള്‍; പോ​ലീ​സും ഡോ​ഗ് സ്‌​കാ​ഡും വീ​ട്ടി​ല്‍ റെ​യ്ഡ് ന​ട​ത്തി
Monday, August 26, 2024 1:35 AM IST
ഇ​രി​ങ്ങാ​ല​ക്കു​ട: ന​ഗ​ര​മ​ധ്യ​ത്തി​ല്‍ വീ​ടു കേ​ന്ദ്രീ​ക​രി​ച്ചു നി​യ​മ​വി​രു​ദ്ധ പ്ര​വ​ര്‍​ത്ത​ന​ങ്ങ​ള്‍ ന​ട​ക്കു​ന്ന​താ​യി പ​രാ​തി. ഇ​രി​ങ്ങാ​ല​ക്കു​ട മാ​ര്‍​ക്ക​റ്റി​നു സ​മീ​പ​മു​ള്ള ഇ​രു​നി​ല​വീ​ട്ടി​ലാ​ണ് പോ​ലീ​സി​നു ല​ഭി​ച്ച ര​ഹ​സ്യ​വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ല്‍ റെ​യ്ഡ് ന​ട​ത്തി​യ​ത്. വ​ന്‍​തോ​തി​ല്‍ മ​യ​ക്കു​മ​രു​ന്നു സൂ​ക്ഷി​ച്ചി​ട്ടു​ണ്ടെ​ന്ന സൂ​ച​ന​യെ​ത്തു​ട​ര്‍​ന്ന് ഡോ​ഗ് സ്വാ​ഡ് അ​ട​ക്ക​മു​ള്ള സം​വി​ധാ​ന​ങ്ങ​ളു​മാ​യാ​ണ് പോ​ലീ​സ് പ​രി​ശോ​ധ​ന​യ്ക്കെ​ത്തി​യ​ത്. മൂ​വാ​റ്റു​പു​ഴ സ്വ​ദേ​ശി​യു​ടെ പേ​രി​ല്‍ വാ​ട​​ക​യ്ക്കെ​ടു​ത്ത വീട്ടിലാ ണ് നി​യ​മ​വിരുദ്ധ പ്ര​വ​ര്‍​ത്ത​ന​ങ്ങ​ള്‍ ന​ട​ക്കു​ന്ന​തായി സൂചനയുണ്ടായതിരുന്നത്. അ​നാ​ശാ​സ്യ​പ്ര​വ​ര്‍​ത്ത​ന​ങ്ങ​ളും വ​ന്‍​തോ​തി​ല്‍ ല​ഹ​രി വി​ല്‍​പ്പ​ന​യും ന​ട​ക്കു​ന്ന​താ​യി
സംശയമുയർന്നിരുന്നു.

റെ​യ്ഡ് ന​ട​ക്കു​മെ​ന്ന സൂ​ച​ന ല​ഭി​ച്ച​തി​നെ​ത്തു​ട​ര്‍​ന്ന് ഇ​വി​ടെ നി​ന്നു മ​യ​ക്കു​മ​രു​ന്ന​ട​ക്ക​മു​ള്ള സാ​ധ​ന​ങ്ങ​ള്‍ മാ​റ്റി​യെ​ന്നാ​ണ് പോ​ലീ​സ് ക​രു​തു​ന്ന​ത്. അ​തി​നാ​ല്‍ പ​രി​ശോ​ധ​ന​യ്ക്കെ​ത്തി​യ പോ​ലീ​സി​നു കാ​ര്യ​മാ​യി ഒ​ന്നും​ ക​ണ്ട​ത്താ​നാ​യി​ല്ല. പോ​ലീ​സ് പ​രി​ശോ​ധ​ന​യ്ക്കെ​ത്തി​യ​പ്പോ​ള്‍ വീ​ട്ടി​ല്‍ ത​മി​ഴ്‌​നാ​ട് സ്വ​ദേ​ശി​നി​യാ​യ യു​വ​തി​യും കൊ​ല്ലം സ്വ​ദേ​ശി​നി​യാ​യ യു​വ​തി​യു​മ​ട​ക്കം മൂ​ന്നു സ്ത്രീ​ക​ളും ഒ​രു പു​രു​ഷ​നും മാ​ത്ര​മാ​ണ് ഉ​ണ്ടാ​യി​രു​ന്ന​ത്.


സി​നി​മ​യി​ല്‍ അ​ഭി​ന​യി​ക്കു​വാ​ന്‍ എ​ത്തി​യ​താ​ണെ​ന്നും ഹോ​ട്ട​ല്‍ വാ​ട​ക​യ്ക്കെ​ടു​ത്താ​ല്‍ വ​ന്‍​തു​ക ചെ​ല​വാ​കു​മെ​ന്നും അ​തി​നാ​ലാ​ണ് ഇ​ത്ത​രം ചെ​റി​യ വീ​ടു​ക​ളി​ല്‍ ചെ​റി​യ​തു​ക വാ​ട​ക​ന​ല്‍​കി താ​മ​സി​ക്കു​ന്ന​തെ​ന്നാ​ണ് ഇ​വ​ര്‍ പ​റ​ഞ്ഞ​ത്.

പോ​ലീ​സ് സം​ഘം ന​ട​ത്തി​യ പ​രി​ശോ​ധ​ന​യി​ല്‍ താ​മ​സ​ക്കാ​രു​ടെ ഫോ​ണു​ക​ള്‍ പി​ടി​ച്ചെ​ടു​ത്തി​രു​ന്നു. ഈ ​വീ​ട്ടി​ല്‍ രാ​ത്രി​യി​ലും പ​ക​ലു​മാ​യി ആ​ഢം​ബ​ര കാ​റു​ക​ളി​ല്‍ സ്ത്രീ​ക​ള്‍ വ​രാ​റു​ണ്ടെ​ന്നാ​ണു നാ​ട്ടു​കാ​ര്‍ പ​റ​യു​ന്ന​ത്. മു​മ്പ് മാ​പ്രാ​ണം ബ്ലോ​ക്ക് റോ​ഡി​ലാ​ണ് ഇ​ക്കൂ​ട്ട​ര്‍ വാ​ട​ക​ക്കു താ​മ​സി​ച്ചി​രു​ന്ന​ത്. ഇ​ത്ത​രം മേ​ഖ​ല​യി​ലു​ള്ള​വ​ര്‍ സ്ഥി​ര​മാ​യി ഒ​രി​ട​ത്തു താ​മ​സി​ക്കാ​റി​ല്ലെ​ന്നും എ​തി​ര്‍​പ്പു​ക​ളും സൂ​ച​ന​ക​ളും ഉ​ണ്ടാ​യാ​ല്‍ മ​റ്റൊ​രു സ്ഥ​ല​ത്തേ​ക്കു താ​മ​സം മാ​റ്റു​ന്ന​താ​ണ് ഇ​വ​രു​ടെ ശൈ​ലി​യെ​ന്നുമാണ് പോ​ലീ​സ് നി​ഗ​മ​നം. ഇ​വ​രു​ടെ മൊ​ബെ​ല്‍ ഫോ​ണു​ക​ളി​ല്‍​നി​ന്നു ല​ഭി​ച്ച ന​മ്പ​റു​ക​ള്‍ കേ​ന്ദ്രീ​ക​രി​ച്ച് അ​ന്വേ​ഷ​ണം ന​ട​ത്തിയേക്കും. അ​ന്വേ​ഷ​ണ റി​പ്പോ​ര്‍​ട്ട് കോ​ട​തി​യി​ല്‍ സ​മ​ര്‍​പ്പി​ച്ചി​ട്ടു​ണ്ടെ​ന്ന് പോ​ലീ​സ് വ്യ​ക്ത​മാ​ക്കി.