ഗ​താ​ഗ​ത‌​ക്കു​രു​ക്കി​നു പ​രി​ഹാ​ര​മാ​യി വ​ട​ക്കാ​ഞ്ചേ​രി​യി​ൽ ഗ​താ​ഗ​തനി​യ​ന്ത്ര​ണം
Tuesday, September 10, 2024 1:46 AM IST
വ​ട​ക്കാ​ഞ്ചേ​രി: ടൗ​ണി​ലെ ഗ​താ​ഗ​തക്കു​രു​ക്ക് പ​രി​ഹ​രി​ക്കാ​ൻ ഇ​ന്നു​മു​ത​ൽ 20 വ​രെ ഗ​താ​ഗ​തനി​യ​ന്ത്ര​ണം. ഓ​ണം അ​ടു​ത്ത​തോ​ടെ ന​ഗ​ര​ത്തി​ലെ ഗ​താഗ​ത​ക്കു​രു​ക്ക് ഒ​ഴി​വാ​ക്കു​ന്ന​തു​മാ​യി ബ​ന്ധ​പ്പെ​ട്ട് ചേ​ർ​ന്ന അ​ടി​യ​ന്തര ട്രാ‌ഫി​ക് അ​ഡ്വൈ​സ​റി യോ​ഗ​ത്തി​ലാ​ണു തീ​രു​മാ​നം.

ന​ഗ​ര​സ​ഭ​യു​ടെ സ്റ്റി​ക്ക​റി​ല്ലാ​ത്ത ഓ​ട്ടോ​റി​ക്ഷ​ക​ൾ ന​ഗ​ര​ത്തി​ലെ സ്റ്റാ​ൻ​ഡു​ക​ളി​ൽ സ​ർ​വീ​സ് ന​ട​ത്തു​ന്ന​തും വി​ല​ക്കി. വ്യാ‌പാ​രി​കൾ ന​ട​പ്പാ​ത​യി​ലേ​ക്ക് സാ​ധ​ന​ങ്ങ​ൾ ഇ​റ​ക്കി​വ​യ്ക്കു​ന്ന​തും പ​രു​ത്തി​പ്ര പ​ള്ളി മു​ത​ൽ വ​ട​ക്കാ​ഞ്ചേ​രി വരെ വ​ഴി​യോ​ര​ക​ച്ച​വ​ട​വും നി​രോ​ധി​ച്ചു.

തൃ​ശൂ​ർ -​ ഷൊ​ർ​ണൂർ സം​സ്ഥാ​ന​പാ​ത​യി​ലും കു​ന്നം​കു​ളം റോ​ഡി​ലും അ​ന​ധി​കൃ​ത പാ​ർ​ക്കിം​ഗ് ഒ​ഴി​വാ​ക്കാ​നും റോ​ഡി​ലെ കു​ഴി​ക​ൾ ഇ​ല്ലാ​താ​ക്കാ​നും പൊ​തു​മ​രാ​മ​ത്ത് നി​ര​ത്ത് വി​ഭാ​ഗ​ത്തി​ന് നി​ർ​ദേശ​ം ന​ൽ​കി. അ​ഡ്വൈ​സ​റി യോ​ഗ​ത്തി​ൽ ന​ഗ​ര​സ​ഭ ചെ​യ​ർ​മാ​ൻ പി.എ​ൻ. സു​രേ​ന്ദ്ര​ൻ അ​ധ്യ​ക്ഷ​ത വ​ഹി​ച്ചു.

ക്ര​മീ​ക​ര​ണം ഇ​ങ്ങ​നെ

1. ഷോ​ർ​ണൂ​ർ - ചേ​ല​ക്ക​ര ബ​സുക​ൾ ഓ​ട്ടു​പാ​റ ബ​സ് സ്റ്റാൻ​ഡി​ൽ ക​യ​റാ​തെ സ്റ്റാ​ൻ​ഡി​നു മു​ന്നി​ൽ യാ​ത്ര​ക്കാ​രെ ക​യ​റ്റി ഇ​റ​ക്ക​ണം.

2. തൃ​ശൂരി​ൽനി​ന്നും ചേ​ല​ക്ക​ര, ഷൊ​ർ​ണൂ​ർ ഭാ​ഗ​ത്തേ​ക്കുപോ​കു​ന്ന ബ​സുക​ൾ ഓ​ട്ടു​പാ​റ ബ​സ് സ്റ്റാ​ൻ​ഡി​ൽ ക​യ​റ​ണം.
3 . കു​ന്നം​കു​ളം ഭാ​ഗ​ത്തു​നി​ന്നുംവ​രു​ന്ന ബ​സുക​ൾ ഓ​ട്ടു​പാ​റ സെ​ന്‍റ​റി​ൽകൂ​ടി ബ​സ് സ്റ്റാ​ൻ​ഡി​ൽ ക​യ​റാ​തെ ആ​ളു​ക​ളെ ഇ​റ​ക്ക​ണം.
4. കു​ന്നം​കു​ളം ബ​സുക​ൾ ഓ​ട്ടു​പാ​റ ബൈ​പ്പാ​സ് വ​ഴി പോ​ക​ണം.
5. ഷൊ​ർ​ണൂ​ർ - തൃ​ശൂർ ബ​സുക​ൾ കു​റാ​ഞ്ചേ​രി ബ​സ്റ്റോ​പ്പി​ൽ മാ​ത്രം നി​ർ​ത്ത​ണം.
6. അ​ത്താ​ണി സെ​ന്‍ററി​ൽ ബ​സു​ക​ൾ നി​ർ​ത്താ​തെ നി​ല​വി​ലെ ബ​സ് കാ​ത്തി​രി​പ്പു കേ​ന്ദ്ര​ത്തി​ലേ​ക്ക് മാ​റ്റി നി​ർ​ത്ത​ണം.
7. ഷൊ​ർ​ണൂ​ർ - ചേ​ല​ക്ക​ര ഭാ​ഗ​ത്തു​നി​ന്നും വ​രു​ന്ന ബ​സുക​ൾ നി​ശ്ചി​ത സ്റ്റോ​പ്പു​ക​ളി​ൽ മാ​ത്രം നി​ർ​ത്തു​ക.
8. വേ​ലൂ​ർ ബ​സുക​ൾ സ്റ്റോ​പ്പു​ക​ളി​ൽ മാ​ത്രം നി​ർ​ത്ത​ണം.
9. തൃ​ശൂരി​ൽനി​ന്നും വ​രു​ന്ന ബ​സുക​ൾ പോ​ലീ​സ് സ്റ്റേ​ഷ​ൻ സ്റ്റോ​പ്പ് ഒ​ഴി​വാ​ക്കി പൂ​രക്ക​മ്മി​റ്റി ഓ​ഫീ​സ് പ​രി​സ​ര​ത്തു നി​ർ​ത്തേ​ണ്ട​താ​ണ്.