സ്വ​ന്തം ലേ​ഖ​ക​ൻ

തൃ​ശൂ​ർ: ഓ​ണം ആ​ഘോ​ഷ​മാ​ക്കാ​ൻ വാ​ഴ​ക്കു​ല​ക​ൾ ലോ​ഡു​ക​ണ​ക്കി​നി​റ​ക്കു​ന്ന ക​ച്ച​വ​ട​ക്കാ​ർ​ക്ക് ഇ​ത്ത​വ​ണ ഓ​ണം ക​ഷ്ട​പ്പാ​ടി​ന്‍റെ ഓ​ണ​മെ​ന്നു വ്യാ​പാ​രി​ക​ൾ. പ​ച്ച​യും മ​ഞ്ഞ​യും ചു​വ​പ്പും അ​ട​ക്കം വ​ർ​ണ​വൈ​വി​ധ്യ​ങ്ങ​ളു​ള്ള നേ​ന്ത്ര​ക്കു​ല​ക​ൾ ഭം​ഗി​യാ​യി നി​ര​ന്നു​കി​ട​ക്കു​ന്പോ​ഴും ക​ച്ച​വ​ടം അ​ത്ര മ​നോ​ഹ​ര​മ​ല്ലെ​ന്നാ​ണ് പ​രാ​തി. പ്ര​ള​യ​ത്തെ​യും മ​ഴ​യെ​യു​മൊ​ക്കെ അ​തി​ജീ​വി​ച്ച് വി​ള​യി​ച്ചെ​ടു​ത്ത നേ​ന്ത്ര​ക്കു​ല​ക​ൾ​ക്ക് ന​ല്ല വി​ല കി​ട്ടാ​താ​യ​തോ​ടെ ക​ർ​ഷ​ക​നും ഇ​തു ക​ഷ്ട​പ്പാ​ടി​ന്‍റെ ഓ​ണം.

പ​തി​വു​വി​ട്ട് കു​ല​ക​ൾ നേ​ര​ത്തേ ഇ​ത്ത​വ​ണ എ​ത്തി​ത്തു​ട​ങ്ങി​യി​രു​ന്നു. എ​ന്നാ​ൽ, ആ​വ​ശ്യ​ത്തി​ല​ധി​കം ല​ഭ്യ​മാ​യി​ട്ടും അ​വ വാ​ങ്ങാ​ൻ പേ​രി​നു​പോ​ലും ആ​ളി​ല്ലെ​ന്ന് ഒ​രു​വി​ഭാ​ഗം ക​ച്ച​വ​ട​ക്കാ​ർ പ​റ​യു​ന്നു. ചെ​ങ്ങാ​ലി​ക്കോ​ട​നും നെ​ടു​നേ​ന്ത്ര​നും ആ​റ്റു​നേ​ന്ത്ര​നും അ​ട​ക്കം നേ​ന്ത്ര​നി​ലെ​ത​ന്നെ രു​ചി​വൈ​വി​ധ്യ​ങ്ങ​ളു​ള്ള കു​ല​ക​ൾ ഒ​ന്നൊ​ന്നാ​യി ജി​ല്ല​ക​ളും സം​സ്ഥാ​ന​വും ക​ട​ന്നെ​ത്തി​യി​ട്ടു​ണ്ട്. പ​ക്ഷേ, കു​ല​ക​ൾ ആ​ർ​ക്കും ആ​വ​ശ്യ​മി​ല്ല.

ആ​ര്ടേ​ലും പൈ​സേ​ല്ലെ​ന്നാ പ​റ​യ​ണേ... പി​ന്നെ എ​ന്തൂ​ട്ട് ഓ​ണം... പൊ​ന്നോ​ണം​ന്നൂ​ല്യ... ആ​കെ ക​ഷ്ട​പ്പാ​ടോ​ണം എ​ന്നാ​ണ് തൃ​ശൂ​രി​ലെ ശ​ക്ത​ൻ മാ​ർ​ക്ക​റ്റി​ലെ ക​ച്ച​വ​ട​ക്കാ​ർ ഒ​രേ​സ്വ​ര​ത്തി​ൽ പ​റ​യു​ന്ന​ത്.

പ​ട്ടി​ക്കാ​ട്, ക​ല്ലൂ​ർ, ആ​ന്പ​ല്ലൂ​ർ, എ​ള​നാ​ട് എ​ന്നി​വി​ട​ങ്ങ​ളി​നി​ന്നും ത​മി​ഴ്നാ​ട്ടി​ൽ​നി​ന്നു​മാ​ണ് ഇ​ത്ത​വ​ണ കു​ല​ക​ൾ എ​ത്തി​ച്ചി​രി​ക്കു​ന്ന​ത്. പോ​യ​വ​ർ​ഷ​ങ്ങ​ളെ അ​പേ​ക്ഷി​ച്ച് വി​ല​യി​ലും വ​ർ​ധ​ന​വി​ല്ല. ചെ​ങ്ങാ​ലി​ക്കോ​ട​നു മൊ​ത്ത​വി​പ​ണി​യി​ൽ കി​ലോ 90 രൂ​പ​യും ചി​ല്ല​റ​വി​പ​ണി​യി​ൽ 120 രൂ​പ​യു​മാ​ണ് വി​ല. ആ​റ്റു​നേ​ന്ത്ര​ൻ, നെ​ടു​നേ​ന്ത്ര​ൻ എ​ന്നി​വ​യ്ക്കു മൊ​ത്ത​വി​പ​ണി​യി​ൽ 45, ചി​ല്ല​റ​വി​പ​ണി​യി​ൽ 50 രൂ​പ.

പ​ഴ​വി​പ​ണി​യി​ലെ മ​റ്റു​പ​ഴ​ങ്ങ​ൾ​ക്കു കാ​ര്യ​മാ​യ ഡി​മാ​ൻ​ഡ് ഇ​ല്ലെ​ങ്കി​ലും ഞാ​ലി​പ്പൂ​വ​നു​മാ​ത്രം ക​ഴി​ഞ്ഞ ഒ​രു മാ​സ​മാ​യി ന​ല്ല ഡി​മാ​ൻ​ഡ് ഉ​ണ്ടെ​ന്നു ക​ച്ച​വ​ട​ക്കാ​ർ പ​റ​ഞ്ഞു. കി​ലോ​യ്ക്ക് 90 രൂ​പ​യാ​ണ് വി​ല. റോ​ബ​സ്റ്റ് മൊ​ത്ത​വി​പ​ണി​യി​ൽ 40, ചി​ല്ല​റ​വി​പ​ണി​യി​ൽ 50. പാ​ള​യം​കോ​ട​ൻ 50, പൂ​വ​ൻ 80 എ​ന്നി​ങ്ങ​നെ​യാ​ണ് മൊ​ത്ത​വി​പ​ണി​യി​ലെ വി​ല​നി​ല​വാ​രം, ഇ​വ​യ്ക്കു 10 രൂ​പ​യു​ടെ വ​ർ​ധ​ന​മാ​ത്ര​മാ​ണ് ചി​ല്ല​റ​വി​പ​ണി​യി​ലു​ള്ള​ത്.