ക​ഞ്ചാ​വി​നെച്ചൊ​ല്ലി ത​ർ​ക്കം; യു​വാ​വി​നെ കു​ത്തി​യവ​ർ​ക്ക് ത​ട​വുംപി​ഴ​യും
Wednesday, September 11, 2024 1:46 AM IST
ചാ​വ​ക്കാ​ട്: ക​ഞ്ചാ​വ് വ​ലി​ക്കു​ന്ന​ത് ചോ​ദ്യംചെ​യ്ത​തി​ന് വീ​ട്ടി​ൽ ക​യ​റി യു​വാ​വി​നെ കു​ത്തി​ക്കൊ​ല​ പ്പെ​ടു​ത്താ​ൻ ശ്ര​മി​ച്ച ര​ണ്ടു പ്ര​തി​ക​ൾ​ക്ക് അ​ഞ്ചുവ​ർ​ഷം ക​ഠി​ന​ത​ട​വും 20,000 രൂ​പ പി​ഴ​യും. ഒ​ന്നാം​പ്ര​തി തെ​ക്ക​ൻ​ഞ്ചേ​രി വ​ലി​യ​ക​ത്ത് ജ​ബ്ബാ​ർ (51) മൂ​ന്നാം പ്ര​തി ഒ​രു​മ​ന​യൂ​ർ ഒ​റ്റ ത്തെങ്ങ് രാ​യംമ​ര​ക്കാ​ർ വീ​ട്ടി​ൽ ഷ​നൂ​പ് (21)എ​ന്നി​വ​രെ ചാ​വ​ക്കാ​ട് അ​സി​. സെ​ഷ​ൻ​സ് കോ​ട​തി വി​വി​ധ വ​കു​പ്പു​ക​ളി​ലാ​യി ശി​ക്ഷി​ച്ച​ത്. ഈ ​കേ​സി​ലെ ര​ണ്ടാം പ്ര​തി ഒ​രു​മ​ന​യൂ​ർ തെ​ക്ക​ഞ്ചേ​രി പെ​രി​ങ്ങാ​ട​ൻ അ​ജി​ത്ത് (24) ഒ​ളി​വി​ലാ​ണ്. പി​ഴ സം ഖ്യ സു​മേ​ഷിനുന​ൽ​കാ​ൻ വി​ധി​യി​ൽ പ​റ​യു​ന്നു​ണ്ട്.

ഒ​രുമ​ന​യൂ​ർ തെ​ക്കുംത​ല​ സു​ബ്ര​ഹ്മ​ണ്യ​ൻ ​മ​ക​ൻ സു​മേ​ഷി (39) നെ ​കു​ത്തിക്കൊല​പ്പെ​ടുത്താ​ൻ ശ്ര​മി​ച്ച​തി​ലാ​ണ് വി​ധി. പ്ര​തി​ക​ൾ തെ​ക്ക​ഞ്ചേ​രി അ​ടു​ത്തു​ള്ള പാ​ല​ത്തി​ൽവ​ച്ച് ക​ഞ്ചാ​വ് വ​ലി​ക്കു​ന്ന​ത് സു​മേ​ഷ് ചോ​ദ്യം ചെ​യ്തി​രു​ന്നു. ഈ ​വി​രോ​ധ​ത്തി​ൽ സു​മേ​ഷി​ന്‍റെ ഭാ​ര്യാ വീ​ട്ടി​ൽ രാ​ത്രി ഒ​മ്പ​തി​നുശ്ര​ഷം പ്ര​തി​ക​ൾ അ​തി​ക്ര​മി​ച്ചുക​യ​റി ക​ത്തി​കൊ​ണ്ട് കു​ത്തി. സു​മേ​ഷി​ന്‍റെ വ​യ​റ്റി​ലും ഇ​ട​തു കൈ​ക്കും സാ​ര​മാ​യി പ​രി​ക്കേ​റ്റു. ബ​ഹ​ളം കേ​ട്ട് ആ​ളു​ക​ൾ ഓ​ടി​ക്കൂ​ടി​യ​തോ​ടെ പ്ര​തി​ക​ൾ ര​ക്ഷ​പ്പെ​ട്ടു.​ പ്രോ​സി​ക്യൂ​ഷ​നുവേ​ണ്ടി അ​ഡീ​ഷ​ണ​ൽ പ​ബ്ലി​ക് പ്രോ​സി​ക്യൂ​ട്ട​ർ അ​ഡ്വ​. കെ.​ആ​ർ.​ ര​ജി​ത് കു​മാ​ർ ഹാ​ജ​രാ​യി.