ക​ട​ലി​ല​ക​പ്പെ​ട്ട 48 തൊ​ഴി​ലാ​ളി​ക​ളെ​ രക്ഷിച്ചു; ര​ക്ഷ​ക​രാ​യി ഫി​ഷ​റീ​സ് - മ​റൈ​ൻ എ​ൻ​ഫോ​ഴ്സ്മെ​ന്‍റ് റെ​സ്ക്യൂ സം​ഘം
Sunday, August 25, 2024 6:16 AM IST
അ​ഴീ​ക്കോ​ട്: ക​ട​ലി​ൽ അ​ക​പ്പെ​ട്ട വ​ള്ള​വും 48 തൊ​ഴി​ലാ​ളി​ക​ളെ​യും രക്ഷിച്ച് ഹാ​ർ​ബ​റി​ൽ എ​ത്തി​ച്ചു. അ​ഴീ​ക്കോ​ട് ഫി​ഷ് ലാ​ൻ​ഡിം​ഗ് സെ​ന്‍റ​റി​ൽ​നി​ന്ന് ഇ​ന്ന​ലെ പു​ല​ർ​ച്ചെ മ​ത്സ്യ​ബ​ന്ധ​ന​ത്തി​നു​പോ​യ വ​രാ​ഹം എ​ന്ന ഇ​ൻ​ബോ​ർഡ് വ​ള്ള​ത്തി​ന്‍റെ എ​ൻ​ജി​ന്‍ നി​ല​ച്ച് ക​ട​ലി​ല്‍ കു​ടു​ങ്ങി​യ മ​ത്സ്യ​ത്തൊ​ഴി​ലാ​ളി​ക​ളെ​യാ​ണ് ഫി​ഷ​റീ​സ് വ​കു​പ്പി​ന്‍റെ ബോ​ട്ട് ര​ക്ഷാ​പ്ര​വ​ര്‍​ത്ത​നം ന​ട​ത്തി ക​ര​യി​ലെ​ത്തി​ച്ച​ത്.

ക​ട​ലി​ല്‍ 8 നോ​ട്ടി​ക്ക​ല്‍ മൈ​ല്‍ (16 കി​ലോ​മീ​റ്റ​ർ) അ​ക​ലെ അ​ഴി​മു​ഖം വ​ട​ക്കു​പ​ടി​ഞ്ഞാ​റുഭാ​ഗ​ത്താ​ണ് വ​ള്ളം എ​ൻ​ജി​ൻ നി​ല​ച്ച് കു​ടു​ങ്ങി​യ​ത്. പെ​രി​ഞ്ഞ​നം സ്വ​ദേ​ശി കി​ഴ​ക്കേ​ട​ത്ത് ജി​ബി​ന്‍റെ ഉ​ട​മ​സ്ഥ​ത​യി​ലു​ള്ള​താ​ണ് വ​ള്ളം. 48 മ​ത്സ്യ​ത്തൊ​ഴി​ലാ​ളി​ക​ളും പെ​രി​ഞ്ഞ​നം സ്വ​ദേ​ശി​ക​ളാ​ണ്. രാ​വി​ലെ 7.30നാ​ണ് വ​ള്ള​വും തൊ​ഴി​ലാ​ളി​ക​ളും ക​ട​ലി​ല്‍ കു​ടു​ങ്ങി​ക്കി​ട​ക്കു​ന്ന​താ​യി അ​ഴീ​ക്കോ​ട് ഫി​ഷ​റീ​സ് സ്റ്റേ​ഷ​നി​ൽ സ​ന്ദേ​ശം ല​ഭി​ച്ച​ത്.


ഫി​ഷ​റീ​സ് അ​സി​സ്റ്റ​ന്‍റ് ഡ​യ​റ​ക്ട​ര്‍ എം.​എ​ഫ്. പോ​ളി​ന്‍റെ നി​ര്‍​ദേ​ശാ​നു​സ​ര​ണം മ​റൈ​ൻ എ​ൻ​ഫോ​ഴ്സ്മെ​ന്‍റ് ആ​ൻ​ഡ് വി​ജി​ല​ൻ​സ് വിം​ഗ് ഓ​ഫീ​സ​ർ​മാ​രാ​യ വി.​എ​ൻ. പ്ര​ശാ​ന്ത്കു​മാ​ർ, ഇ.​ആ​ർ. ഷി​നി​ൽ​കു​മാ​ർ, വി.​എം. ഷൈ​ബു, റെ​സ്‌​ക്യൂ ഗാ​ര്‍​ഡുമാ​രാ​യ ഹു​സൈ​ൻ, വി​ജീ​ഷ്, ബോ​ട്ട് സ്രാ​ങ്ക് ദേ​വ​സി മു​ന​മ്പം, എ​ൻ​ജി​ൻ ഡ്രൈ​വ​ർ റോ​ക്കി എ​ന്നി​വ​രും ര​ക്ഷാ​പ്ര​വ​ര്‍​ത്ത​ന​ത്തി​നു നേ​തൃ​ത്വം ന​ല്‍​കി.