നെന്മണിക്കര: ഗ്രാമപഞ്ചായത്ത് 'കുന്നിക്കുരു മണി' എന്നപേരില് ബാലസൗഹൃദ ബജറ്റ് അവതരിപ്പിച്ചു. കില റിസര്ച്ച് അസോസിയേറ്റ് കെ.യു. സുകന്യ ബജറ്റ് പ്രകാശനംചെയ്തു.
ഗ്രാമപഞ്ചായത്ത് പ്രസിഡന്റ് ടി.എസ്. ബൈജു അധ്യക്ഷത വഹിച്ചു. സ്റ്റാന്ഡിംഗ് കമ്മിറ്റി ചെയര്മാന് കെ.വി. ഷാജു ബജറ്റ് അവതരിപ്പിച്ചു. 2.50 കോടിയുടെ ബജറ്റാണ് അവതരിപ്പിച്ചത്. പഞ്ചായത്തിലെ മുഴുവന് കുട്ടികളുടേയും ആവശ്യങ്ങളും ആഗ്രഹങ്ങളും മുന്നിര്ത്തികൊണ്ട് ശിശുനിലനില്പ്പ്, ശിശുവികസനം, ശിശുസുരക്ഷ, പങ്കാളിത്തം എന്നിവ ലക്ഷ്യമിട്ട് കട്ടികള്ക്ക് ആവശ്യമായ സേവനങ്ങള്, നിലവാരമുള്ള വിദ്യാഭ്യാസം, ആരോഗ്യസംരക്ഷണം, പോഷണം, മാനസിക ഉല്ലാസ പ്രവര്ത്തനങ്ങളുടെ സംരക്ഷണം, സാമൂഹിക ജീവിതത്തില് പങ്കെടുക്കാനുള്ള അവസരങ്ങള് എന്നിവ സൃഷ്ടിക്കുക എന്നതാണ് പഞ്ചായത്തിന്റെ പ്രഖ്യാപിത ലക്ഷ്യമെന്ന് പഞ്ചായത്ത് പ്രസിഡന്റ് ടി.എസ്. ബൈജു പറഞ്ഞു. വികസനകാര്യ സ്ഥിരംസമിതി അധ്യക്ഷന് സജിന് മേലേടത്ത്, ഗ്രാമപഞ്ചായത്ത് സെക്രട്ടറി കെ. അജിത എന്നിവര് സംസാരിച്ചു.