െറയി​ൽ​വേ സ്റ്റേ​ഷ​നി​ൽ പ്ര​സ​വമെടുത്ത സു​ഹ​റാ​ബി​ക്ക് അ​ഭി​ന​ന്ദ​ന​പ്ര​വാ​ഹം
Sunday, August 25, 2024 6:15 AM IST
വ​ട​ക്കാ​ഞ്ചേ​രി: തൃ​ശൂ​ർ റെ​യി​ൽ​വേ സ്റ്റേ​ഷ​ൻ പ്ലാ​റ്റ്ഫോ​മി​ൽ യാത്രികയുടെ പ്ര​സ​വ​മെ​ടു​ത്ത​തോ​ടെ വ​ട​ക്കാ​ഞ്ചേ​രി സ്വ​ദേ​ശി​നി നാ​ര​ക​ത്തു​പ​റ​മ്പി​ൽ​വീ​ട്ടി​ൽ ക​ബീ​റി​ന്‍റെ ഭാ​ര്യ സു​ഹ​റാ​ബി(60)​ക്ക് അ​ഭി​ന​ന്ദ​ന​പ്ര​വാ​ഹം.

ആ​സാം സ്വ​ദേ​ശി​നി ജ​സ​ബീ​ഗ(25)​ത്തി​ന്‍റെ പ്ര​സ​വ​മാ​ണ് റെ​യി​ൽ​വേ സ്റ്റേ​ഷ​നി​ലെ ക്ലീ​നിം​ഗ് തൊ​ഴി​ലാ​ളി സു​ഹ​റാ​ബി​എ​ടു​ത്ത​ത്. മൂ​ന്നു പെ​ൺ​മ​ക്ക​ളു​ടെ മാ​താ​വാ​യ സു​ഹ​റാ​ബി​യു​ടെ ര​ണ്ടാ​മ​ത്തെ പ്ര​സ​വ​മെ​ടു​ക്ക​ലാ​ണ് ക​ഴി​ഞ്ഞ​ദി​വ​സം ന​ട​ന്ന​ത്. 2017ൽ ​എ​റ​ണാ​കു​ളം സ്വ​ദേ​ശി​നി ട്രെയി​നി​ൽ​വ​ച്ച് പ്ര​സ​വി​ച്ച​പ്പോ​ൾ ഉ​ദ്യോ​ഗ​സ്ഥ​ർ അ​റി​യി​ച്ച​ത​നു​സ​രി​ച്ച് ട്രെ​യി​ൻ കന്പാ​ർ​ട്ട്മെ​ന്‍റി​ൽ ക​യ​റി​യാ​ണ് പ്ര​സ​വ​മെ​ടു​ത്ത​ത്. ഇ​ത്ത​വ​ണ പ്ലാ​റ്റ്ഫോ​മി​ലാ​യി​രു​ന്നു യു​വ​തി​യു​ടെ പ്ര​സ​വം.

ഒ​ന്നാം​ന​മ്പ​ർ പ്ലാ​റ്റ്ഫോ​മി​ൽ എ​സ്ക​ലേ​റ്റ​റി​ന് സ​മീ​പം ക​ഴി​ഞ്ഞദി​വ​സം രാ​വി​ലെ പൂ​ർ​ണ​ഗ​ർ​ഭി​ണി​യാ​യ യു​വ​തി​യെ അ​വ​ശ​നി​ല​യി​ൽ ഒ​രു ആ​ൺകു​ട്ടി​യോ​ടൊ​പ്പം ക​ണ്ടെ​ത്തു​ക​യാ​യി​രു​ന്നു. സി​ആ​ർ​പി​എ​ഫ് വ​നിതാ​ഉ​ദ്യോ​ഗ​സ്ഥ​രു​ടെ​യും ‌സ്റ്റേ​ഷ​ൻ ജീ​വ​ന​ക്കാ​രു​ടെ​യു​മൊ​പ്പം സു​ഹറാ​ബി​യു​മെ​ത്തി. ആ​ശു​പ​ത്രി​യി​ലേ​ക്ക് മാ​റ്റാ​ൻ ശ്ര​മി​ക്കു​ന്ന​തി​നി​ടെ യു​വ​തി പ്ര​സ​വി​ച്ചു. പി​ന്നീ​ട് പൊ​ക്കി​ൾ​ക്കൊ​ടി വി​ച്ഛേ​ദി​ച്ച് കു​ട്ടി​യെ ക​ഴു​കി വൃ​ത്തി​യാ​ക്കി ഉ​ദ്യോ​ഗ​സ്ഥ​ർ​ക്കു കൈ​മാ​റി. സെ​ക്ക​ന്ത​രാ​ബാ​ദി​ലേ​ക്ക് പോ​കാ​നാ​യെ​ത്തി​യ​താ​ണ് യു​വ​തി​യെ​ന്നു പ​റ​യു​ന്നു. ഇ​പ്പോ​ൾ വ​ട​ക്കാ​ഞ്ചേ​രി സെ​ന്‍റ് ഫ്രാ​ൻ​സി​സ് സേ​വ്യേ​ഴ്സ് ഫൊ​റോ​ന​പ​ള്ളി​ക്കു പി​റ​കി​ൽ വാ​ട​കവീ​ട്ടി​ലാ​ണ് സു​ഹ​റാ​ബി​യു​ടെ താ​മ​സം. മ​ക്ക​ളെ വി​വാ​ഹംചെ​യ്ത​യയ്​ക്കാ​ൻ ഉ​ണ്ടാ​യി​രു​ന്ന മൂ​ന്നു​സെ​ന്‍റ് ഭൂ​മി​യും വീ​ടും വി​റ്റു. ഭ​ർ​ത്താ​വ് ക​ബീ​ർ ത​ള​ർ​ന്നു​കി​ട​പ്പാ​ണ്.


റെ​യി​ൽ​വേ​യി​ൽ ക​രാ​ർജീ​വ​ന​ക്കാ​രി​യാ​യി ല​ഭി​ക്കു​ന്ന തു​ച്ഛ​മാ​യ വ​രു​മാ​നം​കൊ​ണ്ടാ​ണ് ജീ​വി​തം മു​ന്നോ​ട്ടു​പോ​കു​ന്ന​ത്. ജോ​ലിക​ഴി​ഞ്ഞെ​ത്തി​യാ​ൽ തെ​ങ്ങു​ക​യ​റ്റം, മെ​ഷീ​ൻ ന​ടീ​ൽ, ടൈ​ല​റിം​ഗ് എ​ന്നീ ജോ​ലി​ക​ൾ ചെ​യ്യു​ന്നു. വീ​ടി​നാ​യി സ​ർ​ക്കാ​രി​ന്‍റെ ലൈ​ഫ്മി​ഷ​ൻ പ​ദ്ധ​തി​യി​ൽ അ​പേ​ക്ഷ​ന​ൽ​കി കാ​ത്തി​രി​ക്കു​ക​യാ​ണ് സു​ഹറാ​ബി.

പ്ര​തി​സ​ന്ധി​ഘ​ട്ട​ത്തി​ൽ സ​ധൈ​ര്യം മു​ന്നോ​ട്ടു​വ​ന്ന അ​മ്മമ​ന​സി​ന് ഡോ. ​പ​ൽ​പ്പു ഫൗ​ണ്ടേ​ഷ​ൻ ചെ​യ​ർ​മാ​ൻ റി​ഷി പ​ൽ​പ്പു പൊ​ന്നാ​ട അ​ണി​യി​ച്ച് ഉ​പ​ഹാ​രം​ന​ൽ​കി. വ​ട​ക്കാ​ഞ്ചേ​രി ബ്ലോ​ക്ക് കോ​ൺ​ഗ്ര​സ് പ്ര​സി​ഡ​ന്‍റ് പി.​ജി. ജ​യ​ദീ​പ്, ജ​യ​ൻ മം​ഗ​ലം, ന​ന്തി​ല​ത്ത് ഗോ​പാ​ല​കൃ​ഷ്ണ​ൻ, പി.​എ​സ്. രാ​ധാ​കൃ​ഷ്ണ​ൻ, സി.​വി. ജോ​സ്, കെ. ​കൃ​ഷ്ണ​കു​മാ​ർ എ​ന്നി​വ​ർ സം​ബ​ന്ധി​ച്ചു.