തോളൂർ: തോളൂർ പഞ്ചായത്തിലെ ആദ്യത്തെ കെ സ്റ്റോർ ഉദ്ഘാടനം റേഷൻകട എ ആർഡി 259ൽ പഞ്ചായത്ത് പ്രസിഡന്റ് വി.കെ. രഘുനാഥൻ നിർവഹിച്ചു. പഞ്ചായത്തിലെ ഏക വനിതാറേഷൻകട ലൈസൻസി ജിഷ ജോണിയുടെ റേഷൻകടയാണ് അപ്ഗ്രേഡ് ചെയതത്.
റേഷൻ ഇൻസ്പെക്ടർ സുമ പദ്ധതിവിശദീകരണം നടത്തി. റേഷൻ കട സാധനങ്ങൾക്കുപുറമെ പലചരക്കുസാധനങ്ങൾ, മിൽമ ഉല്പന്നങ്ങൾ, ശബരി ഉല്പന്നങ്ങൾ, ചോട്ടു ഗ്യാസ് എന്നിവ ഇവിടെനിന്ന് ലഭ്യമാകും. വികസന സ്റ്റാൻഡിംഗ് കമ്മിറ്റി ചെയർപേഴ്സൺ ഷീന വിൽസൺ, ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ സരസമ്മ സുബ്രഹ്മണ്യൻ പ്രസംഗിച്ചു.