ആളൂര്‍: പഞ്ചായത്തിലെ പൊരുന്നകുന്നില്‍ നിര്‍ധനരും ഭവനരഹിതരുമായ രണ്ടു കുടുംബങ്ങള്‍ക്ക് ബിജെപി 20ാം വാര്‍ഡ് കമ്മിറ്റിയുടെ നേതൃത്വത്തില്‍ വീടുകള്‍ നിര്‍മിച്ചുനല്‍കി. ആളൂര്‍ മണ്ഡലം സെക്രട്ടറി വിപിന്‍ പാറമേക്കാട്ടിലിന്‍റെ നേതൃത്വത്തിലാണു വീടുകള്‍ നിര്‍മിച്ചത്. നേരത്തെ പൂമംഗലം പഞ്ചായത്തിലും ഇത്തരത്തില്‍ നിര്‍ധനര്‍ക്കു രണ്ടു വീടുകള്‍ നിര്‍മിച്ചുനല്‍കിയിരുന്നു.
പൊരുന്നകുന്നില്‍ നിര്‍മിച്ച വീടുകളുടെ താക്കോല്‍ദാനം മണ്ഡലം ജനറല്‍ സെക്രട്ടറി വിപിന്‍ പാറമേക്കാട്ടില്‍ നിര്‍വഹിച്ചു. ജില്ല കമ്മിറ്റി അംഗം സുനില്‍ പീണിക്കല്‍ അധ്യക്ഷത വഹിച്ചു. മണ്ഡലം പ്രസിഡന്‍റ് പി.എസ്. സുബീഷ്, ജില്ലാ സെക്രട്ടറി ലോചനന്‍ അമ്പാട്ട്, മണ്ഡലം ജനറല്‍ സെക്രട്ടറി എ.വി. രാജേഷ്, ബിജെപി ആളൂര്‍ പഞ്ചായത്ത് കമ്മിറ്റി പ്രസിഡന്‍റ് ബിജു തോപ്പില്‍, മഡിയ സുഹാര്‍ത്തിക, സുധീഷ് എന്നിവര്‍ പ്രസംഗിച്ചു.