മാള: പുത്തൻചിറ ഗ്രാമപഞ്ചായത്ത് ബഹുവർഷ പദ്ധതിയിൽ ഉൾപ്പെടുത്തി 25 ലക്ഷം രൂപ ചെലവഴിച്ചു നിർമിച്ച പകൽവീട് തുറന്നു. മന്ത്രി ഡോ. ആർ. ബിന്ദു ഉദ്ഘാടനം നിർവഹിച്ചു. അഡ്വ. വി.ആർ. സുനിൽകുമാർ എംഎൽഎ അധ്യക്ഷത വഹിച്ചു.
ഐസിഡിഎസ് സൂപ്പർവൈസർ എം.എച്ച്. രജിക റിപ്പോർട്ട് അവതരിപ്പിച്ചു. വൈസ് പ്രസിഡന്റ് എ.പി. വിദ്യാധരൻ, ബ്ലോക്ക് പഞ്ചായത്ത് അംഗങ്ങളായ സുമിത ദിലീപ്, രമ രാഘവൻ, സ്റ്റാൻഡിംഗ് കമ്മിറ്റി ചെയർപേഴ്സൺമാരായ എ.എൻ. രേണുക, വാസന്തി സുബ്രഹ്മണ്യൻ, സംഗീത അനീഷ് തുടങ്ങിയ ജനപ്രതിനിധികൾ, രാഷ്ട്രീയ പാർട്ടി പ്രതിനിധികൾ, ഗ്രാമപഞ്ചായത്ത് സെക്രട്ടറി ഉൾപ്പെടെയുള്ളവർ പങ്കെടുത്തു. ഗ്രാമപഞ്ചായത്ത് പ്രസിഡന്റ് റോമി ബേബി സ്വാഗതവും വാർഡ് മെമ്പർ എം.എം. ഷമേജ് നന്ദിയും പറഞ്ഞു.