കൊറ്റംകുളം: പെരിഞ്ഞനം ബീച്ച് റോഡിൽ കാർ ഇലക്ട്രിക് പോസ്റ്റിൽ ഇടിച്ചുണ്ടായ അപകടത്തിൽ യാത്രക്കാരിക്കു പരിക്ക്.
പഞ്ചായത്ത് കമ്യൂണിറ്റി ഹാളിന് അടുത്താണ് കഴിഞ്ഞദിവസം രാത്രി 10ന് അപകടമുണ്ടായത്. ഇടിച്ച കാറും ഇലക്ട്രിക് പോസ്റ്റും റോഡിനു കുറുകെ കിടന്നതിനാൽ ഗതാഗതം ഭാഗികമായി തടസപ്പെട്ടു. പടിഞ്ഞാറു ഭാഗത്തേക്കു പോകേണ്ട വാഹനങ്ങൾ മൂന്നുപീടിക ബീച്ച് റോഡ് വഴിയോ മറ്റുവഴികളോ ഉപയോഗിച്ചാണു സഞ്ചരിച്ചത്. കയ്പമംഗലം പോലീസും കെഎസ്ഇബി അധികൃതരും സ്ഥലത്തെത്തിയിരുന്നു.