തൃശൂര്: സെന്റ് തോമസ് കോളജ് നൂറാമത്തെ പിഎച്ച്ഡി വൈവാ വോസ് സംഘടിപ്പിച്ചു. സുവോളജി വിഭാഗത്തിലെ ഡോ. വിമല കെ.ജോൺസന്റെ മേൽനോട്ടത്തിൽ സി.എ. പാർവതിയുടെ പിഎച്ച്ഡി വിഷയം തൃശൂർ - പൊന്നാനി തണ്ണീർത്തടങ്ങളെക്കുറിച്ചുള്ള ലിംനോളജിക്കൽ പഠനം ഇക്ത്യോഫൗണയെ പ്രത്യേകമായി പരാമർശിച്ചു.
എസിഇഎസ്എസ്ഡി ഡയറക്ടർ പ്രഫ. ഡോ.എ.പി. തോമസായിരുന്നു ചീഫ് അഡ്ജുഡിക്കേറ്റർ.
കോളജിൽ ഗവേഷണത്തിനു തുടക്കമിടുന്നതിൽ മുഖ്യപങ്കുവഹിച്ച പ്രഥമ പിഎച്ച്ഡിയായ ഡോ. തോബിയാസ് പി. മാളിയേക്കലിനെ ആദരിച്ചു. എക്സിക്യൂട്ടീവ് മാനേജർ ഫാ. ബിജു പാണേങ്ങാടൻ അധ്യക്ഷത വഹിച്ചു. സഹായമെത്രാൻ മാർ ടോണി നീലങ്കാവിൽ, പ്രിൻസിപ്പൽ റവ.ഡോ. കെ.എ. മാർട്ടിൻ, മുൻപ്രിൻസിപ്പൽമാരായ പ്രഫ. എ.എം. ഫ്രാ ൻസിസ്, റവ.ഡോ. ദേവസി പന്തല്ലൂക്കാരൻ, ഡോ. പി.ഒ. ജെൻസൺ, ഡോ. ഇഗ്നാറ്റൂയിസ് ആന്റണി, ഡോ. കെ.എൽ. ജോ യ്, ഡോ. കെ. ജോബി തോമസ്, ഡോ.വി.എ. ചാക്കോ, ഡോ. സി. എഫ്. ബിനോയ്, ഡോ. എം. ബി ജു ജോൺ, ഡോ. ജോയ്സ് ജോ സ് എന്നിവർ പ്രസംഗിച്ചു.