ആ​ലു​വ: മാ​ലി​ന്യ സം​സ്ക​ര​ണ​ത്തി​ന് വ​ഴി​യി​ല്ലാ​തെ ആ​ലു​വ ന​ഗ​ര​ത്തി​ലെ നൂ​റ്റ​മ്പ​തോ​ളം ഭ​ക്ഷ​ണ​ശാ​ല​ക​ൾ. ലൈ​സ​ൻ​സ് പു​തു​ക്കാ​നു​ള്ള സ​മ​യ​പ​രി​ധി സെ​പ്റ്റം​ബ​റി​ൽ അ​വ​സാ​നി​ക്കാ​നി​രി​ക്കെ ന​ഗ​ര​സ​ഭ നി​ല​പാ​ട് ക​ർ​ശ​ന​മാ​ക്കി​യ​തോടെ ഹോ​ട്ട​ലു​കളും റ​സ്റ്റോ​റ​ന്‍റു​ക​ളും ആശങ്ക യിലായി.

പെ​രി​യാ​റി​ലേ​ക്ക് വ​ൻ​തോ​തി​ൽ മാ​ലി​ന്യം ത​ള്ളു​ന്ന​തി​നെ​തി​രെ ഗ്രീ​ൻ ട്രി​ബ്യൂ​ണ​ൽ ആ​ലു​വ ന​ഗ​ര​സ​ഭ​യ്ക്ക് മൂ​ന്നു കോ​ടി രൂ​പ പി​ഴ ഈ​ടാ​ക്കി​യി​ട്ടു​ണ്ട്. പാ​ല​സ് റോ​ഡി​ൽ അ​ദ്വൈ​താ​ശ്ര​ത്തി​ന് സ​മീ​പ​ത്ത് കൂ​ടി പോ​കു​ന്ന വ​ലി​യ കാ​ന​യി​ലൂ​ടെ​യാ​ണ് പെ​രി​യാ​റി​ലേ​ക്ക് പ്ര​ധാ​ന​മാ​യും ന​ഗ​ര​ത്തി​ലെ ജ​ലമാ​ലി​ന്യം ത​ള്ളു​ന്ന​ത്. ഇ​വി​ടെ ഉ​ണ്ടാ​യി​രു​ന്ന ശു​ദ്ധീ​ക​ര​ണ പ്ലാ​ന്‍റ് പ്ര​ള​യ​കാ​ല​ത്ത് പൂ​ർ​ണ​മാ​യി ന​ശി​ച്ചു​പോ​യ​താ​ണ് മാ​ലി​ന്യം അ​തേ​പ​ടി പു​ഴ​യി​ൽ എ​ത്താ​ൻ കാ​ര​ണം.

ന​ഗ​ര​സ​ഭ എ​ടു​ക്കു​ന്ന ന​ട​പ​ടി​ക​ളെ ആ​ശ്ര​യി​ച്ചാ​ണ് പ​രി​സ്ഥി​തി കാ​ര്യ​ങ്ങ​ൾ കൈ​കാ​ര്യം ചെ​യ്യു​ന്ന ഗ്രീ​ൻ ട്രി​ബ്യൂ​ണ​ൽ വി​ധി പു​നഃപ​രി​ശോ​ധി​ക്കു​ക. ആ​ലു​വ​യി​ലെ ഹോ​ട്ട​ലു​ക​ളും അ​ശു​പ​ത്രി​ക​ളും ഒ​ഴു​ക്കി​വി​ടു​ന്ന മാ​ലി​ന്യം ശു​ദ്ധീ​ക​രി​ക്കാ​നു​ള്ള സം​വി​ധാ​നം നി​ർ​ബ​ന്ധ​മാ​യി ന​ട​പ്പി​ലാ​ക്ക​ണ​മെ​ന്ന നി​ല​പാ​ട് ന​ഗ​ര​സ​ഭ എ​ടു​ക്കാ​ൻ കോ​ട​തി വി​ധി​യാ​ണ് കാ​ര​ണ​മെ​ന്ന് ആ​രോ​ഗ്യ​സ്ഥി​രം സ​മി​തി​യ​ധ്യ​ക്ഷ​ൻ എം.​ടി. സൈ​മ​ൺ ദീ​പി​ക​യോ​ട് പ​റ​ഞ്ഞു.

ഹോ​ട്ട​ൽ സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ കേ​ന്ദ്രീ​കൃ​ത പ്ലാ​ന്‍റ് സ്ഥാ​പി​ക്കാ​ൻ ശ്ര​മം ന​ട​ക്കു​ന്നു​ണ്ടെ​ന്ന് ഹോ​ട്ട​ൽ ഉ​ട​മ​യും മു​ൻ ഭാ​ര​വാ​ഹി​യു​മാ​യ തോ​മ​സ് പ​റ​ഞ്ഞു. കൊ​ച്ചി, ആ​ലു​വ മേ​ഖ​ല​ക​ളി​ലെ ഹോ​ട്ട​ലു​ക​ൾ​ക്ക് വേ​ണ്ടി നി​ർ​മി​ക്കു​ന്ന പ്ലാ​ന്‍റി​ന് സ​ർ​ക്കാ​ർ സ​ഹ​ക​ര​ണം ല​ഭി​ക്കേ​ണ്ട​തു​ണ്ടെ​ന്നും അ​ദ്ദേ​ഹം പ​റ​ഞ്ഞു. ആ​ലു​വ ന​ഗ​ര​ത്തി​ൽ പ്ര​വ​ർ​ത്തി​ക്കു​ന്ന ഹോ​ട്ട​ലു​ക​ൾ, ലോ​ഡ്ജു​ക​ൾ തു​ട​ങ്ങി​യ സ്ഥാ​പ​ന​ങ്ങ​ൾ​ക്ക് സെ​പ്റ്റി​ക് മാ​ലി​ന്യം അ​ട​ക്കം സം​സ്ക​രി​ക്കാ​നു​ള്ള വി​പു​ല​മാ​യ സം​വി​ധാ​നം ഇ​ല്ല. കെ​ട്ടി​ട​ങ്ങ​ളി​ൽ സൗ​ക​ര്യ​ങ്ങ​ൾ ഒ​രു​ക്കാ​നു​ള്ള സ്ഥ​ല​വും പ​രി​മി​ത​മാ​ണ്. ഇ​തെ​ങ്ങി​നെ മ​റി​ക​ട​ക്കാ​നാ​കു​മെ​ന്നാ​ണ് വ്യാ​പാ​രി​ക​ളും പ​രി​ശോ​ധി​ക്കു​ന്ന​ത്.

ര​ണ്ടുമാ​സം മു​മ്പ് പൊ​തു​മ​രാ​മ​ത്ത് വ​കു​പ്പ് ന​ട​ത്തി​യ സം​യു​ക്ത പ​രി​ശോ​ധ​ന​യി​ൽ പൊ​തു കാ​ന​യി​ലേ​ക്ക് മാ​ലി​ന്യം ത​ള്ളു​ന്ന​താ​യി ക​ണ്ടെ​ത്തി​യി​രു​ന്നു. പ​ല സ്ഥാ​പ​ന​ങ്ങ​ൾ​ക്കും 10,000 രൂ​പ മു​ത​ൽ 50,000 രൂ​പ വ​രെ ആ​ലു​വ ന​ഗ​ര​സ​ഭ പി​ഴയും ഈ​ടാ​ക്കി​യി​രു​ന്നു. ര​ണ്ട് ഹോ​ട്ട​ലു​ക​ൾ ആ​ഴ്ച​ക​ളോ​ളം അ​ട​ച്ചി​ടേ​ണ്ട​താ​യും വ​ന്നി​രു​ന്നു.

സ്ഥാ​പ​ന​ങ്ങ​ൾ സ്വ​ന്തം നി​ല​യ്ക്ക് ജൈ​വ മാ​ലി​ന്യം നീ​ക്ക​ണ​മെ​ന്നാ​ണ് ന​ഗ​ര​സ​ഭ​യു​ടെ തീ​രു​മാ​നം. പ്ലാ​സ്റ്റി​ക് മാ​ലി​ന്യ​ത്തി​ന് 100 രൂ​പ ന​ൽ​കി​യാ​ൽ എ​ല്ലാ മാ​സ​വും ഹ​രി​ത ക​ർ​മ സേ​ന കൊ​ണ്ടു​പോ​കും