കോതമംഗലം: മാർ ബസേലിയോസ് മെഡിക്കൽ മിഷൻ ആശുപത്രിയിൽ നവീകരിച്ച അത്യാഹിത വിഭാഗത്തിന്റെ ഉദ്ഘാടനം ഏബ്രഹാം മാർ സേവേറിയോസ് മെത്രാപ്പോലീത്ത നിർവഹിച്ചു. മാർത്തോമ ചെറിയപളളി വികാരി ഫാ. ജോസ് പരത്തുവയലിൽ അധ്യക്ഷത വഹിച്ചു.
ആന്റണി ജോണ് എംഎൽഎ മുഖ്യാതിഥിയായിരുന്നു. നവീകരിച്ച അത്യാഹിത വിഭാഗത്തിൽ ട്രയാജ് വിഭാഗം കൂടി ഉൾപ്പെടുത്തി റെഡ് സോണ്, യെൽലോ സോണ്, ഗ്രീൻ സോണ് എന്നിങ്ങനെ രോഗത്തിന്റെ ലക്ഷണങ്ങളെ അടിസ്ഥാനമാക്കി തിരിച്ചിട്ടുണ്ട്.