പരിശോധിക്കണമെന്ന് അനൂപ് ജേക്കബ് എംഎൽഎ
പിറവം: പാമ്പാക്കുടയിലെ അരീക്കൽ വെള്ളച്ചാട്ടത്തിന്റെ മുകൾ ഭാഗത്ത് പാറയിൽ വിള്ളലുകൾ കണ്ടത് പരിശോധിക്കണമെന്ന് ആവശ്യപ്പെട്ട് അനൂപ് ജേക്കബ് എംഎൽഎ ജില്ലാ കളക്ടർക്ക് കത്ത് നൽകി. തുടർന്ന് കളക്ടർക്കും ജിയോളജിസ്റ്റിനും രാമമംഗലം പോലീസിനും നിർദേശം നൽകിയിട്ടുണ്ട്.
രാമമംഗലം പോലീസ് ഇവിടെയെത്തി പരിശോധന നടത്തിയിരുന്നു. അരീക്കലിലെത്തുന്ന വിനോദ സഞ്ചാരികൾ ഉൾപ്പെടെയുള്ളവരുടെ സുരക്ഷ ഉറപ്പാക്കുന്നതിലേക്കായി ജിയോളജി വകുപ്പിലെ ഒരു വിദഗ്ധ സംഘത്തേയും അതോടൊപ്പം തന്നെ ദുരന്ത നിവാരണ വകുപ്പിന്റെ വിദഗ്ധ സംഘത്തെക്കൊണ്ടും പരിശോധന നടത്തി മുൻകരുതൽ നടപടികൾ സ്വീകരിക്കണമെന്ന് എംഎൽഎ ആവശ്യപ്പെട്ടു.