കൊച്ചി: നഗരത്തിലെ വളര്‍ന്ന് വരുന്ന യുവ തലമുറയില്‍ പൗരത്വ ബോധവും സാമൂഹിക അവഗാഹവും ഉളവാക്കുക എന്ന ലക്ഷ്യത്തോടെ പള്ളുരുത്തിയില്‍ ഡോണ്‍ ബോസ്‌കോ യുവജന കേന്ദ്രത്തിന് തുടക്കമായി.കൊച്ചിന്‍ കോര്‍പറേഷന്‍ സ്റ്റാന്‍ഡിംഗ് കമ്മിറ്റി ചെയര്‍മാന്‍ വി.എ. ശ്രീജിത്ത് ഉദ്ഘാടനം ചെയ്തു.
സ്‌നേഹ ഭവന്‍ എക്‌സി. ഡയറക്ടര്‍. ഫാ. പി.ഡി. തോമസ് അധ്യക്ഷത വഹിച്ചു. കൊച്ചി യൂത്ത് സെന്‍റര്‍ ഡയറക്ടര്‍ ഫാ. അഭിലാഷ്, കൊച്ചിന്‍ സിറ്റി അനക്‌സ് നൈറ്റ് ഷെല്‍ട്ടര്‍ ഡയറക്ടര്‍ ഫാ. ബിനോ, ഡോണ്‍ ബോസ്‌കോ ബോയ്‌സ് ഹോം ഡയറക്ടര്‍ ഫാ. റോണി, യൂത്ത് സെന്‍റര്‍ അസി. ഡയറക്ടര്‍ ഐസക് തുടങ്ങിയവര്‍ സംസാരിച്ചു. തുടര്‍ന്ന് യുവജനങ്ങളുടെ കലാപരിപാടികള്‍ അരങ്ങേറി.