കോതമംഗലം താലൂക്ക് ആ​ശു​പ​ത്രി​യി​ൽ ജീ​വ​ന​ക്കാ​ര​നെ കൈ​യേ​റ്റം ചെ​യ്ത പ്ര​തി അ​റ​സ്റ്റി​ൽ
Friday, June 14, 2024 5:04 AM IST
കോ​ത​മം​ഗ​ലം: താ​ലൂ​ക്ക് ആ​ശു​പ​ത്രി​യി​ൽ ജീ​വ​ന​ക്കാ​ര​നെ കൈ​യേ​റ്റം ചെ​യ്ത പ്ര​തി അ​റ​സ്റ്റി​ൽ. കാ​ല​ൻ സു​രേ​ഷ് എ​ന്ന് അ​പ​ര​നാ​മ​ത്തി​ൽ അ​റി​യ​പ്പെ​ടു​ന്ന മ​ല​യി​ൻ​കീ​ഴ് ചേ​രി​യി​ൽ സി.​വി. സു​രേ​ഷ് (42) ആ​ണ് അ​റ​സ്റ്റി​ലാ​യ​ത്.

ആ​ശു​പ​ത്രി​ക്കു​ള്ളി​ൽ ക​ഴി​ഞ്ഞ തി​ങ്ക​ളാ​ഴ്ച രാ​ത്രി​യി​ലാ​യി​രു​ന്നു അ​തി​ക്ര​മം ഉ​ണ്ടാ​യ​ത്. ആ​ശു​പ​ത്രി സൂ​പ്ര​ണ്ട് പോ​ലീ​സി​ൽ ന​ൽ​കി​യ പ​രാ​തി​യെ തു​ട​ർ​ന്നാ​ണ് അ​റ​സ്റ്റ്. തെ​ങ്ങു​ക​യ​റ്റ തൊ​ഴി​ലാ​ളി​യാ​യ സു​രേ​ഷ് വാ​ക്ക​ത്തി​യു​മാ​യാ​ണ് ആ​ശു​പ​ത്രി​യി​ലെ​ത്തി​യ​ത്. സെ​ക്യൂ​രി​റ്റി ജീ​വ​ന​ക്കാ​ര​നെ കൈ​യേ​റ്റം ചെ​യ്ത ഇ​യാ​ൾ ആ​ശു​പ​ത്രി ഉ​പ​ക​ര​ണ​ങ്ങ​ൾ കേ​ടു​വ​രു​ത്തു​ക​യും ചെ​യ്തു.

അ​ത്യാ​ഹി​ത വി​ഭാ​ഗ​ത്തി​ലാ​ണ് ഇ​യാ​ൾ ആ​ദ്യം അ​തി​ക്ര​മം ന​ട​ത്തി​യ​ത്. തു​ട​ർ​ന്ന് സ്ത്രീ​ക​ളു​ടെ​യും കു​ട്ടി​ക​ളു​ടേ​യും വാ​ർ​ഡി​ലെ ശു​ചി​മു​റി​യി​ൽ ക​യ​റു​ന്ന​ത് ത​ട​യാ​ൻ ശ്ര​മി​ച്ച​പ്പോ​ഴാ​ണ് സെ​ക്യൂ​രി​റ്റി ജീ​വ​ന​ക്കാ​ര​ന് മ​ർ​ദ​ന​മേ​റ്റ​ത്. സു​രേ​ഷ് നേ​ര​ത്തെ പ​ല​ത​വ​ണ ആ​ശു​പ​ത്രി​യി​ൽ അ​തി​ക്ര​മം ന​ട​ത്തി​യി​ട്ടു​ണ്ട്.

സാ​മൂ​ഹ്യ​വി​രു​ദ്ധ​രു​ടെ അ​ഴി​ഞ്ഞാ​ട്ടം​മൂ​ലം ആ​ശു​പ​ത്രി​യു​ടെ ദൈ​നം​ദി​ന പ്ര​വ​ർ​ത്ത​ന​ങ്ങ​ൾ​ക്ക് ത​ട​സ​മു​ണ്ടാ​വു​ന്ന​തും, ജീ​വ​ന​ക്കാ​ർ​ക്ക് സ്വ​സ്ഥ​മാ​യി ജോ​ലി നോ​ക്കാ​ൻ ക​ഴി​യാ​തെ​വ​രു​ന്ന​തും ഇ​വി​ടെ പ​തി​വാ​യി​രി​ക്കു​ക​യാ​ണ്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻഡ് ചെ​യ്തു.

Copyright @ 2022 , Rashtra Deepika Ltd.