കെസിഎസ്എൽ കോതമംഗലം രൂപത കൗൺസിൽ
1430168
Wednesday, June 19, 2024 6:11 AM IST
മൂവാറ്റുപുഴ : കെസിഎസ്എൽ കോതമംഗലം രൂപത കൗണ്സിലും പ്രവർത്തന വർഷ ഉദ്ഘാടനവും മൂവാറ്റുപുഴ നെസ്റ്റ് പാസ്റ്ററൽ സെന്ററിൽ കോതമംഗലം രൂപത വികാരി ജനറൽ മോണ്. പയസ് മലേക്കണ്ടത്തിൽ നിർവഹിച്ചു.
2023-24 പ്രവർത്തന വർഷത്തിലെ മികച്ച യൂണിറ്റുകളായ എച്ച്എസ്എസ് വിഭാഗത്തിലെ പൈങ്ങോട്ടൂർ സെന്റ് ജോസഫ് എച്ച്എസ്എസ്, എച്ച്എസ് വിഭാഗത്തിൽ കോതമംഗലം സെന്റ് അഗസ്റ്റിൻസ് ഗേൾസ് എച്ച്എസ്എസ്, യുപി വിഭാഗത്തിൽ നെല്ലിമറ്റം സെന്റ് ജോസഫ് യുപിഎസ് എന്നിവർക്കുള്ള ട്രോഫികളും വിതരണം ചെയ്തു. പ്രവർത്തന വർഷത്തിലെ മികച്ച ആനിമേറ്ററായി തെരഞ്ഞെടുക്കപ്പെട്ട ലൗഷ സിറിയക്കിനെ ആദരിച്ചു. രൂപത ഓർഗനൈസർ സിസ്റ്റർ ലിറ്റിൽ ട്രീസ സിഎംസി റിപ്പോർട്ട് അവതരിപ്പിച്ചു.
രൂപത പ്രസിഡന്റ് ജിജോ മാനുവൽ അധ്യക്ഷത വഹിച്ച യോഗത്തിൽ രൂപത ഡയറക്ടർ ഫാ. മാത്യു രാമനാട്ട്, സിസ്റ്റർ ലിൻഡ സിഎംസി എന്നിവർ പ്രസംഗിച്ചു.