യുവാവിനെ പൊള്ളലേറ്റ് മരിച്ചനിലയിൽ കണ്ടെത്തി
1430239
Wednesday, June 19, 2024 10:28 PM IST
പോത്താനിക്കാട്: പുരയിടത്തിൽ യുവാവിനെ പൊള്ളലേറ്റ് മരിച്ചനിലയിൽ കണ്ടെത്തി. ഡൽഹിയിൽ സ്ഥിരതാമസമാക്കിയിരുന്ന പോത്താനിക്കാട് പെരിങ്ങാരപ്പിള്ളിൽ സെബി പി. തോമസ് (45) ആണ് മരിച്ചത്.
പോത്താനിക്കാട്ടെ തറവാട്ടു വീടിനു പിന്നിലെ പുരയിടത്തിൽ ഇന്നലെ ഉച്ചകഴിഞ്ഞാണ് മൃതദേഹം കണ്ടെത്തിയത്. അർബുദം സ്ഥിരീകരിച്ചതിനെ തുടർന്ന് മൂന്ന് ദിവസം മുന്പാണ് സെബി നാട്ടിലെത്തിയത്.
രോഗബാധിതനായതിന്റെ മാനസിക ബുദ്ധിമുട്ടിൽ ആത്മഹത്യ ചെയ്തതാകാമെന്നാണ് പ്രാഥമിക നിഗമനം. സംസ്കാരം ഇന്ന് രണ്ടിന് പോത്താനിക്കാട് സെന്റ് സേവ്യേഴ്സ് പള്ളിയിൽ. ഭാര്യ: സ്റ്റെമി. മകൻ: റോണ്.