20 കിലോ കഞ്ചാവുമായി ഒറീസ സ്വദേശികൾ പിടിയിൽ
1430176
Wednesday, June 19, 2024 6:34 AM IST
അരൂർ: രണ്ടു ചാക്കുകളിലായി വിൽപ്പനയ്ക്കുകൊണ്ടുവന്ന 20 കിലോ കഞ്ചാവുമായി രണ്ട് അന്യ സംസ്ഥാന തൊഴിലാളികൾ പിടിയിലായി. ഒറീസ സ്വദേശികളായ ബിജീന്ദ്ര കുലുദിപിയ (36), ലക്ഷ്മൺ(20) എന്നിവരെയാണ് പിടികൂടിയത്.
ജില്ലാ പോലീസ് മേധാവിക്ക് ലഭിച്ച രഹസ്യവിവരത്തെതുടർന്ന് ലഹരി വിരുദ്ധ സ്ക്വാഡും ചേർത്തല ഡിവൈഎസ്പിയുടെ ആന്റി നാർക്കോട്ടിക്ക് വിഭാഗവും അരൂർ പോലീസും ചേർന്നാണ് അരൂർ ക്ഷേത്രത്തിൽ സമീപത്തുനിന്ന് പ്രതികളെ അറസ്റ്റു ചെയ്തത്. ഇവർ ഒറീസയിൽ നിന്നും കൊണ്ടുവരുന്ന കഞ്ചാവ് നാളുകളായി വിൽപ്പന നടത്തി വരികയായിരുന്നു.