പിക്കപ്പ് വാനും സ്കൂട്ടറും കൂട്ടിയിടിച്ച് സ്കൂട്ടർ യാത്രികർക്ക് പരിക്ക്
1430383
Thursday, June 20, 2024 5:00 AM IST
മൂവാറ്റുപുഴ : പിക്കപ്പ് വാനും സ്കൂട്ടറും കൂട്ടിയിടിച്ചുണ്ടായ അപകടത്തിൽ സ്കൂട്ടർ യാത്രികർക്ക് ഗുരുതര പരിക്ക്. മൂവാറ്റുപുഴ-പണ്ടപ്പിള്ളി റോഡിൽ ഇന്നലെ ഉച്ചയ്ക്ക് 1.30 ഓടെയാണ് അപകടമുണ്ടായത്.
അപകടത്തിൽ ആരക്കുഴ കണങ്കാന്പതിയിൽ എബിൻ (35), തെക്കനാപ്പാറയിൽ ബൈജു സ്കറിയ (46) എന്നിവർക്കാണ് പരിക്കേറ്റത്.
മൂവാറ്റുപുഴ ഭാഗത്ത് നിന്നും പണ്ടപ്പിള്ളിയിലേക്ക് പോവുകയായിരുന്ന ഇരുവരും സഞ്ചരിച്ച സ്കൂട്ടറും എതിർദിശയിൽ വന്ന പിക്കപ്പ് വാനും തമ്മിൽ കൂട്ടിയിടിക്കുകയായിരുന്നു.
പരിക്കേറ്റ ഇരുവരെയും എറണാകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. മൂവാറ്റുപുഴ പോലീസും അഗ്നിശമന രക്ഷാസേനയും സ്ഥലത്തെത്തി മേൽനടപടികൾ സ്വീകരിച്ചു.