വാഴൂർ: ഉള്ളായം യുപി സ്കൂളിൽ ബഷീർ അനുസ്മരണ ദിനത്തിൽ പാത്തുമ്മയും ആടും മാങ്കോസ്റ്റിൻ ചുവട്ടിലെത്തി. അനുസ്മരണ പരിപാടി ഗോപകുമാർ കങ്ങഴ ഉദ്ഘാടനം ചെയ്തു. വാർഡ് മെംബർ ഡെൽമ ജോർജ് അധ്യക്ഷത വഹിച്ചു.
പരിസ്ഥിതി പ്രവർത്തകൻ ഡോ. എം.എ. റഹ്മാൻ തയാറാക്കിയ ബഷീർ ദ മാൻ എന്ന ഹ്രസ്വചിത്രത്തിന്റെ പ്രദർശനവും ബഷീറിനെ ബേപ്പൂരിലെത്തി അഭിമുഖം തയാറാക്കിയ ഗോപകുമാർ കങ്ങഴയുമായി വിദ്യാർഥികൾ മുഖാമുഖം പരിപാടിയും നടത്തി. അഞ്ചാം ക്ലാസുകാരി ദിയ ജോർജാണ് പാത്തുമ്മയായി വേഷമിട്ടത്. പരിസ്ഥിതി പ്രവർത്തകൻ കെ. ബിനു, സൂര്യ എസ്. നായർ, അമൽ ജോസഫ് എന്നിവർ നേതൃത്വം നൽകി.