കൊ​ട​ക​ര: തി​രു​വോ​ണ​നാ​ളി​ല്‍ ഗ്രാ​മീ​ണ​ര്‍ മു​റ്റ​ത്ത് പ്ര​തി​ഷ്ഠി​ക്കു​ന്ന തൃ​ക്കാ​ര​പ്പ​ന്‍റെ നെ​റു​ക​യി​ല്‍ ചൂ​ടി​ച്ചി​രു​ന്ന പൂ​വാ​ണ് കൃ​ഷ്ണ​കി​രീ​ടം. വെ​ളി​മ്പ​റു​മ്പു​ക​ളി​ലും വേ​ലി​യി​റ​മ്പി​ലും ആ​രാ​ലും ശ്ര​ദ്ധി​ക്ക​പ്പെ​ടാ​തെ വ​ള​രു​ന്ന ഒ​രി​നം ചെ​ടി​ക​ളി​ലാ​ണ് കൃ​ഷ്ണ​കി​രീ​ട​ങ്ങ​ള്‍ വി​രി​യു​ന്ന​ത്.

വേ​ലി​പ്പ​ട​ര്‍​പ്പു​ക​ള്‍ മ​തി​ലു​ക​ള്‍​ക്കും ക​മ്പി​വേ​ലി​ക​ള്‍​ക്കും വ​ഴി​മാ​റി​യ​തോ​ടെ കൃ​ഷ്ണ​കി​രീ​ട​ങ്ങ​ള്‍ ഗ്രാ​മ​ങ്ങ​ളി​ലെ അ​പൂ​ര്‍​വ​കാ​ഴ്ച​യാ​യി മാ​റി. എ​ങ്കി​ലും തി​രു​വോ​ണ പു​ല​ര്‍​ച്ചെ വീ​ട്ടു​മു​റ്റ​ങ്ങ​ളി​ല്‍ ഒ​രു​ക്കു​ന്ന തൃ​ക്കാ​ക്ക​ര​യ​പ്പ​ന്‍റെ നെ​റു​ക​യി​ല്‍ ചൂ​ടി​ക്കാ​ന്‍ കൃ​ഷ്ണ​കി​രീ​ട​പൂ​ക്ക​ള്‍​ത​ന്നെ വേ​ണ​മെ​ന്ന നി​ര്‍​ബ​ന്ധം ഇ​പ്പോ​ഴും ഗ്രാ​മ​ങ്ങ​ളി​ലു​ള്ള​വ​ര്‍​ക്കു​ണ്ട്.

ക​ടും ചു​വ​പ്പ് നി​റ​ത്തി​ല്‍ പി​ര​മി​ഡ് ആ​കൃ​തി​യി​ല്‍ വി​ട​ര്‍​ന്നു​നി​ല്‍​ക്കു​ന്ന ഈ​യി​നം പൂ​ക്ക​ള്‍ ഒ​റ്റ​പ്പെ​ട്ട​യി​ട​ങ്ങ​ളി​ലാ​ണെ​ങ്കി​ലും ഇ​ന്നും ഗ്രാ​മീ​ണ​മേ​ഖ​ല​യി​ല്‍ കാ​ണ​പ്പെ​ടു​ന്നു​ണ്ട്. പു​റ​മ്പോ​ക്കു​ക​ളി​ലും ആ​ള്‍​പ്പാ​ര്‍​പ്പി​ല്ലാ​ത്ത പു​ര​യി​ട​ങ്ങ​ളി​ലും കൂ​ട്ട​ത്തോ​ടെ ത​ഴ​ച്ചു​വ​ള​രു​ന്ന ഒ​രു ചെ​ടി​യാ​ണ് കൃ​ഷ്ണ​കി​രീ​ടം. ഹ​നു​മാ​ന്‍ കി​രീ​ടം എ​ന്നും ആ​റു​മാ​സ​പൂ​വ് എ​ന്നും ഇ​തി​നു​പേ​രു​ണ്ട്. ചി​ല​യി​ട​ങ്ങ​ളി​ല്‍ പെ​രു എ​ന്നും ഇ​തി​നെ വി​ളി​ക്കു​ന്നു. പി​ര​മി​ഡ് ആ​കൃ​തി​യി​ലാ​ണ് പൂ​ക്ക​ളു​ടെ വി​ന്യാ​സ​രീ​തി. ബു​ദ്ധ​മ​ത​ക്കാ​രു​ടെ പ​ഗോ​ഡ​യു​ടെ ആ​കൃ​തി​യു​ള്ള​തി​നാ​ല്‍ റെ​ഡ് പ​ഗോ​ഡ എ​ന്നാ​ണ് ഇം​ഗ്ലീ​ഷി​ല്‍ ഇ​തി​ന് പേ​ര്.

വി​ദേ​ശ ഇ​ന​മാ​ണെ​ങ്കി​ലും കേ​ര​ള​ത്തി​ലെ നാ​ട്ടു​പൂ​ക്ക​ളു​ടെ പ​ട്ടി​ക​യി​ല്‍ കൃ​ഷ്ണകി​രീ​ട​മു​ണ്ട്. ചി​ല ക്ഷേ​ത്ര​ങ്ങ​ളി​ല്‍ ഈ ​പൂ​ക്ക​ള്‍ പൂ​ജ​യ്ക്ക് ഉ​പ​യോ​ഗി​ച്ചി​രു​ന്ന​താ​യി പ​ര​യു​ന്നു.

കൃ​ഷ്ണ​കി​രീ​ടം പൂ​ക്ക​ള്‍ വി​ട​ര്‍​ന്നാ​ല്‍ ചി​ത്ര​ശ​ല​ഭ​ങ്ങ​ള്‍ കൂ​ട്ട​ത്തോ​ടെ എ​ത്താ​റു​ണ്ട്. വി​ട​ര്‍​ന്നു​ക​ഴി​ഞ്ഞാ​ല്‍ മാ​സ​ങ്ങ​ളോ​ളം വാ​ടാ​തെ നി​ല്‍​ക്കു​മെ​ന്ന പ്ര​ത്യേ​ക​ത​യും ഈ ​പൂ​വി​നു​ണ്ട്. ഔ​ഷ​ധ ഗു​ണ​മു​ള്ള ഈ ​പൂ​വ് ഉ​ണ​ക്കി​പൊ​ടി​ച്ച് കാ​ച്ചി​യെ​ടു​ക്കു​ന്ന എ​ണ്ണ പൊ​ള്ള​ലേ​റ്റ പാ​ടു​ക​ള്‍ ഇ​ല്ലാ​താ​ക്കാ​ന്‍ ഉ​ത്ത​മ​മാ​ണെ​ന്ന് പ​ഴ​മ​ക്കാ​ര്‍ പ​റ​യു​ന്നു.