സര്ഗസംഗീതത്തിന്റെ 75-ാം എപ്പിസോഡ് ആഘോഷിച്ചു
1464355
Sunday, October 27, 2024 7:12 AM IST
ചെത്തിപ്പുഴ: സര്ഗക്ഷേത്ര കലാസാഹിത്യവേദിയുടെ സര്ഗസംഗീതത്തിന്റെ 75-ാം എപ്പിസോഡ് ആഘോഷം സംഗീത സംവിധായകനും ചലച്ചിത്ര പിന്നണി ഗായകനുമായ വിദ്യാധരന് മാസ്റ്റര് ഉദ്ഘാടനം ചെയ്തു.
ക്രിസ്തുജ്യോതി ഓഡിറ്റോറിയത്തില് നടന്ന ചടങ്ങില് സര്ഗക്ഷേത്ര ഡയറക്ടര് ഫാ. അലക്സ് പ്രായിക്കളം സിഎംഐ അധ്യക്ഷത വഹിച്ചു.
ഡോ. സണ്ണി സെബാസ്റ്റ്യന്, ഗോവിന്ദന് നമ്പൂതിരി, ജോര്ജ് വര്ക്കി, എം.എ. ആന്റണി, ബിജുമോന് കോട്ടാശേരി, എ.എസ്. രാജീവ്, ജോണ് പാലത്തിങ്കല്, സേവ്യര് സെബാസ്റ്റ്യന്, ജോയിച്ചന് പാറക്കല്, ജിജി കോട്ടപ്പുറം, വര്ഗീസ് ആന്റണി എന്നിവര് പ്രസംഗിച്ചു.
ഈ വര്ഷത്തെ മികച്ച ഗായകനുള്ള സംസ്ഥാന ചലച്ചിത്ര അവാര്ഡ് നേടിയ വിദ്യാധരന് മാസ്റ്ററെ ചടങ്ങിൽ ആദരിച്ചു. സര്ഗക്ഷേത്ര ഫൈന് ആര്ട്സ് സൊസൈറ്റിയുടെ സഹകരണത്തോടെ 35 സര്ഗസംഗീത ഗായകര് ചേര്ന്നൊരുക്കിയ ഗാനമേളയും അരങ്ങേറി.