രാമൻ മേട്ടൂർ അനുസ്മരണം
1464065
Saturday, October 26, 2024 5:58 AM IST
മുണ്ടക്കയം: അഖില തിരുവിതാംകൂർ മലഅരയ മഹാസഭ സ്ഥാപക ആചാര്യൻ രാമൻ മേട്ടൂരിന്റെ 105-ാമത് ജന്മദിനാഘോഷം 28ന് തൊടുപുഴയിൽ നടക്കുമെന്ന് സഭാ സംസ്ഥാന പ്രസിഡന്റ് കെ.ബി. ശങ്കരൻ പത്രസമ്മേളനത്തിൽ അറിയിച്ചു.
രാവിലെ 7.30ന് പൂമാല സ്മൃതി മണ്ഡപത്തിൽ പുഷ്പാർച്ചന. തുടർന്ന് സമ്മേളന വേദിയിലേക്ക് ദീപശിഖാ പ്രയാണം. മർച്ചന്റ്സ് ട്രസ്റ്റ് ഹാളിൽ നടക്കുന്ന സമ്മേളനം കേന്ദ്ര പട്ടികവർഗ വികസനകാര്യ സഹമന്ത്രി ദുർഗാദാസ് ഉയികെ ഉദ്ഘാടനം ചെയ്യും.
അഖില തിരുവിതാംകൂർ മലഅരയ മഹാസഭ സംസ്ഥാന പ്രസിഡന്റ് കെ.പി. ശങ്കരൻ അധ്യക്ഷത വഹിക്കും. ഡീൻ കുര്യാക്കോസ് എംപി, പി.ജെ. ജോസഫ് എംഎൽഎ, തൊടുപുഴ മുനിസിപ്പൽ ചെയർപേഴ്സൺ സബീന ബിഞ്ചു, സംസ്ഥാന പട്ടികജാതി പട്ടികവർഗ ഗോത്രവർഗ കമ്മീഷൻ അംഗം സേതുനാരായണൻ, അഖില തിരുവിതാംകൂർ മലഅരയ മഹാസഭ ജനറൽ സെക്രട്ടറി വി.പി. ബാബു, യുവമോർച്ച ദേശീയ സെക്രട്ടറി പി. ശാംരാജ് തുടങ്ങിയവർ പ്രസംഗിക്കും.
പത്രസമ്മേളനത്തിൽ സംസ്ഥാന വൈസ് പ്രസിഡന്റ് പി.വി. വിജയൻ, ജനറൽ സെക്രട്ടറി വി.പി. ബാബു, ട്രഷറർ വി.എൻ. രുഗ്മണി, കാഞ്ഞിരപ്പള്ളി മേഖലാ കോ-ഓർഡിനേറ്റർ എം.എസ്. സതീഷ്, ചെയർമാൻ പി.ആർ. ചെല്ലപ്പൻ തുടങ്ങിയവരും പങ്കെടുത്തു.