30,000 ഹെക്ടറിൽ റബര് ആവര്ത്തന കൃഷി നടത്തും: മന്ത്രി പി. പ്രസാദ്
1464069
Saturday, October 26, 2024 5:58 AM IST
വലവൂര്: 2025ല് റബര് കാര്ഷിക മേഖലയില് മുപ്പതിനായിരം ഹെക്ടര് സ്ഥലത്ത് ആവര്ത്തന കൃഷി നടപ്പിലാക്കുമെന്ന് കൃഷിമന്ത്രി പി പ്രസാദ്. കരൂരില് കര്ഷക കൂട്ടായ്മയായ മധുരിമ കരിമ്പ് കൃഷിചെയ്ത് ഉത്പാദിപ്പിച്ച ശര്ക്കരയുടെ വിപണനോദ്ഘാടന സമ്മേളനം ഉദ്ഘാടനം ചെയ്യുകയായിരുന്നു മന്ത്രി.
സംഘാടകസമിതി പ്രസിഡന്റ് വി.ടി. തോമസ് അധ്യക്ഷത വഹിച്ചു. ഫ്രാന്സിസ് ജോര്ജ് എംപി ലോഗോ പ്രകാശനം ചെയ്തു. കരൂര് പഞ്ചായത്ത് പ്രസിഡന്റ് അനസ്യ രാമന് ശര്ക്കര നല്കി ജോസ് കെ. മാണി എംപി വിപണനോദ്ഘാടനം നിര്വഹിച്ചു. ശര്ക്കര ഉത്പാദന യൂണിറ്റിന്റെ ഉദ്ഘാടനം മാണി സി. കാപ്പന് എംഎല്എ നിര്വഹിച്ചു.
ബ്ലോക്ക് പഞ്ചായത്ത് പ്രസിഡന്റ് റാണി ജോസ് മുഖ്യപ്രഭാഷണം നടത്തി. ജില്ലാ പഞ്ചായത്തംഗം രാജേഷ് വാളിപ്ലാക്കല്, ലിസമ്മ ജോസ്, ബാബു കെ. ജോര്ജ്, പി.കെ. ഷാജകുമാര്, ബെന്നി മൈലാടൂര്, ജോര്ജ് പുളിങ്കാട്, പ്രശാന്ത് നന്ദകുമാര്, കെ.ബി. സന്തോഷ്, പി.എ. ജോസ് പൊന്നത്ത്, ജോ ജോസ് എന്നിവര് പ്രസംഗിച്ചു.