യുവജന പങ്കാളിത്തത്താൽ ശ്രദ്ധേയമായി ജോബ് ഫെയർ
1464344
Sunday, October 27, 2024 7:07 AM IST
തലയോലപ്പറമ്പ്: ദേവസ്വം ബോര്ഡ് കോളജില് നടന്ന മെഗാ ജോബ് ഫെയര് കനവ് 2024 ഉദ്യോഗാര്ഥികളുടെ പങ്കാളിത്തത്താൽ ശ്രദ്ധേയമായി.
കോളജിന്റെ ആഭിമുഖ്യത്തില് കുടുംബശ്രീ മിഷന്, ദീന് ദയാല് ഉപാധ്യായ ഗ്രാമീണ കൗശല്യ യോജന, തലയോലപ്പറമ്പ് ഐസിഎം കംപ്യൂട്ടേഴ്സ്, വൈക്കം മാനേജ്മെന്റ് അസോസിയേഷന് എന്നിവയുടെ സഹകരണത്തോടെയാണ് തൊഴില്മേള സംഘടിപ്പിച്ചത്.
ഇന്നലെ രാവിലെ ഒന്പതിന് ആരംഭിച്ച മേളയില് ആയിരത്തിലധികം ഉദ്യോഗാര്ഥികൾ രജിസ്റ്റര് ചെയ്തു. ബാങ്കിംഗ്, നോണ് ബാങ്കിംഗ്, ഫിനാന്സ്, ടെലികോം, എഡ്യുക്കേഷണല്, ഹോസ്പിറ്റാലിറ്റി, ഹ്യൂമന് റിസോഴ്സ്, അക്കൗണ്ടിംഗ്, എൻജിനിയറിംഗ് തുടങ്ങി വിവിധ മേഖലകളില്നിന്നായി നാല്പ്പതോളം തൊഴില്ദാതാക്കള് മേളയില് പങ്കെടുത്തു.