കിഴതടിയൂര് പള്ളിയില് പ്രധാന തിരുനാള് നാളെ
1464273
Sunday, October 27, 2024 5:33 AM IST
പാലാ: പ്രസിദ്ധ തീര്ഥാടന കേന്ദ്രമായ കിഴതടിയൂര് പള്ളിയില് അസാധ്യകാര്യങ്ങളുടെ മധ്യസ്ഥനായ വിശുദ്ധ യൂദാശ്ലീഹായുടെ പ്രധാന തിരുനാള് നാളെ.
രാവിലെ 5.15 മുതല് നെയ്യപ്പം നേര്ച്ച വിതരണം. പത്തിന് ബിഷപ് മാര് ജോസഫ് കല്ലറങ്ങാട്ടിന്റെ മുഖ്യകാര്മികത്വത്തില് വിശുദ്ധ കുര്ബാന. തുടര്ന്ന് പാലാ ളാലം ജംഗ്ഷനിലേക്ക് പ്രദക്ഷിണം. ഉച്ചകഴിഞ്ഞ് മൂന്നിനും അഞ്ചിനും ഏഴിനും വിശുദ്ധ കുര്ബാനയും നൊവേനയും.
വിശ്വാസികള്ക്ക് കഴുന്നെടുക്കുന്നതിനും നൊവേന ഏറ്റെടുത്തു നടത്തുന്നതിനും ഉള്ള സൗകര്യം ഏര്പ്പെടുത്തിയിട്ടുണ്ടെന്ന് വികാരി ഫാ. തോമസ് പുന്നത്താനത്ത് അറിയിച്ചു.