റബര്കര്ഷക അവഗണനയ്ക്കെതിരേ കത്തോലിക്ക കോണ്ഗ്രസ് ധർണ നടത്തി
1464073
Saturday, October 26, 2024 6:02 AM IST
പാലാ: റബര് കര്ഷകരെ അവഗണിക്കാന് കത്തോലിക്ക കോണ്ഗ്രസ് അനുവദിക്കുകയില്ലെന്ന് എകെസിസി ഗ്ലോബല് പ്രസിഡന്റ് രാജീവ് കൊച്ചുപറമ്പില്.
കത്തോലിക്ക കോണ്ഗ്രസ് പാലാ രൂപതാസമിതിയുടെ നേതൃത്വത്തില് റബര് കര്ഷകരുടെ വിലാപങ്ങള്ക്ക് അറുതി വരുത്തണമെന്നും കേന്ദ്ര-സംസ്ഥാന സര്ക്കാരുകളുടെയും റബര് ബോര്ഡിന്റെയും അനങ്ങാപ്പാറ നയങ്ങള് തിരുത്തണമെന്നും ആവശ്യപ്പെട്ട് പാലാ പോസ്റ്റ്ഓഫീസ് പടിക്കല് നടത്തിയ ധര്ണ ഉദ്ഘാടനം ചെയ്യുകയായിരുന്നു അദ്ദേഹം.
രൂപത പ്രസിഡന്റ് ഇമ്മാനുവല് നിധീരി അധ്യക്ഷത വഹിച്ചു. റവ.ഡോ. ജോര്ജ് വര്ഗീസ് ഞാറക്കുന്നേല് മുഖ്യപ്രഭാഷണം നടത്തി.
ജോസ് വട്ടുകുളം, ജോയി കണിപറമ്പില്, ആന്സമ്മ സാബു, ജോണ്സണ് ചെറുവള്ളി, രാജേഷ് പാറയില്, ലിബി മണിമല, ജോസ് ജോസഫ് മലയില്, ബേബിച്ചന് എടാട്ടു, വി.ടി. ജോസഫ്, അജിത് അരിമറ്റം, ബെല്ലാ സിബി തുടങ്ങിയവര് പ്രസംഗിച്ചു.