നാലമ്പല നവീകരണത്തിന് ഓടുസമർപ്പണം
1464270
Sunday, October 27, 2024 5:19 AM IST
വാഴൂർ: വെട്ടിക്കാട്ട് ധർമശാസ്താക്ഷേത്ര നാലമ്പല നവീകരണ ഭാഗമായി മേച്ചിൽ ഓടുകളുടെ സമർപ്പണം ചലച്ചിത്ര ബാലനടി ദേവനന്ദ ഉദ്ഘാടനം ചെയ്തു. തുടർന്ന് ഭക്തജനങ്ങൾ മേച്ചിൽ ഓടുകൾ സമർപ്പിച്ചു. തുടർന്നുള്ള ദിവസങ്ങളിലും ദേവസ്വം ഓഫീസിൽ പണമടച്ച് ഭക്തർക്ക് സമർപ്പണം നടത്താൻ സൗകര്യമുണ്ടാവും.
നാലമ്പലത്തിന്റെ മേൽക്കൂര ജീർണാവസ്ഥയിലായതിനാലാണ് പുനർനിർമിക്കുന്നത്. ഇതിന് മുകളിൽ സ്ക്വയർ പൈപ്പ് സ്ഥാപിച്ച് മേച്ചിൽ ഓടുകൾ പാകിയാണ് നവീകരണം നടത്തുന്നത്. 20 ലക്ഷം രൂപ ചെലവ് പ്രതീക്ഷിക്കുന്ന നിർമാണം ഭക്തരുടെ സഹകരണത്തോടെയാണ് നടത്തുന്നതെന്ന് ദേവസ്വം ഭാരവാഹികൾ അറിയിച്ചു.