കാഞ്ഞിരപ്പള്ളി ഉപജില്ലാ കലോത്സവത്തിനു തുടക്കം
1464272
Sunday, October 27, 2024 5:19 AM IST
ഇളങ്ങുളം: കാഞ്ഞിരപ്പള്ളി ഉപജില്ലാ സ്കൂൾ കലോത്സവം ഇളങ്ങുളം പള്ളി പാരിഷ് ഹാളിൽ എലിക്കുളം പഞ്ചായത്ത് പ്രസിഡന്റ് ജിമ്മിച്ചൻ ജേക്കബ് ഉദ്ഘാടനം ചെയ്തു.
എഇഒ എസ്. സുൽഫിഖർ അധ്യക്ഷത വഹിച്ചു. ചലച്ചിത്രനടിയും ഗായികയുമായ ജിൻസി ചിന്നപ്പൻ മുഖ്യാതിഥിയായിരുന്നു. പഞ്ചായത്ത് വൈസ് പ്രസിഡന്റ് സൂര്യമോൾ മുഖ്യപ്രഭാഷണവും ഫാ. ഡാർവിൻ വാലുമണ്ണിൽ അനുഗ്രഹപ്രഭാഷണവും നടത്തി. തോമസ് ജേക്കബ്, അഖിൽ അപ്പുക്കുട്ടൻ, ജോമോൻ തോമസ്, അനസ് മുഹമ്മദ്, നാസർ മുണ്ടക്കയം, റോഷ്ന മനോജ് തുടങ്ങിയവർ പ്രസംഗിച്ചു.
28, 29, 30 തീയതികളിൽ കലോത്സവം തുടരും. ഇളങ്ങുളത്തെ വിവിധ സ്കൂളുകളിലും മറ്റ് ഹാളുകളിലുമായി ഒന്പത് വേദികളിലായാണ് മത്സരം.