കൊഴുവനാൽ ഉപജില്ലാ കലോത്സവം നാളെ മുതൽ
1464340
Sunday, October 27, 2024 6:55 AM IST
മറ്റക്കര: കൊഴുവനാൽ ഉപജില്ലാ സ്കൂൾ കലോത്സവം നാളെ മുതൽ 30 വരെ മറ്റക്കര സെന്റ് ജോസഫ് ഹൈസ്കൂളിൽ നടക്കും. വിവിധ സ്കൂളുകളിൽനിന്നായി രണ്ടായിരത്തിലധികം കുട്ടികൾ കലോത്സവത്തിൽ മാറ്റുരയ്ക്കും. 29ന് രാവിലെ 9.30ന് ഫ്രാൻസിസ് ജോർജ് എംപി ഉദ്ഘാടനം നിർവഹിക്കും. പാലാ രൂപത എഡ്യൂക്കേഷണൽ ഏജൻസി കോർപറേറ്റ് സെക്രട്ടറി ഫാ. ജോർജ് പുല്ലുകാലായിൽ അധ്യക്ഷത വഹിക്കും.
30ന് വൈകുന്നേരം 5.30ന് നടക്കുന്ന സമാപന സമ്മേളനം ചാണ്ടി ഉമ്മൻ എംഎൽഎ നിർവഹിക്കും. ചടങ്ങിൽ മഞ്ഞാമറ്റം സെന്റ് സെബാസ്റ്റ്യൻ പള്ളി വികാരി ഫാ. സെബാസ്റ്റ്യൻ വലിയവീട്ടിൽ കളപ്പുര അധ്യക്ഷത വഹിക്കും.
സ്കൂൾ മാനേജർ ഡോ. സിസ്റ്റർ ഗ്രേസ് മുണ്ടപ്ലാക്കൽ,അകലക്കുന്നം പഞ്ചായത്ത് ചെയർപേഴ്സൺ സിന്ധു അനിൽകുമാർ, സ്കൂൾ ഹെഡ്മിസ്ട്രസ് സിസ്റ്റർ റിന്റാ സെബാസ്റ്റ്യൻ, എഇഒ എസ്. അശോകൻ, പിടിഎ പ്രസിഡന്റ് റോഷൻ ജോസഫ് എന്നിവർ കലാമേളയ്ക്ക് നേതൃത്വം നൽകും.