പോലീസ് സ്റ്റേഷന് സന്ദര്ശിച്ച് വിദ്യാര്ഥികള്
1464282
Sunday, October 27, 2024 5:33 AM IST
രാമപുരം: രാമപുരം പോലീസ് സ്റ്റേഷന് ജനമൈത്രി പോലീസിന്റെ നേതൃത്വത്തില് സേക്രഡ് ഹാര്ട്ട് ഗേള്സ് ഹൈസ്കൂളിലെ വിദ്യാര്ഥികള്ക്കായി പോലീസ് സ്റ്റേഷന് വിസിറ്റ് സംഘടിപ്പിച്ചു. പോലീസ് സ്റ്റേഷന് എന്നത് പേടിയോടെയാണ് മുന്പ് വിദ്യാര്ഥികള് കേട്ടിരുന്നത്. എന്നാല് സ്റ്റേഷന്റെ ദൈനംദിന പ്രവര്ത്തനങ്ങളെക്കുറിച്ച് മനസിലാക്കിയപ്പോള് വിദ്യാര്ഥികളുടെ ഉള്ളിലെ ഭയം പാടേ മാറി. രാമപുരം എസ്എച്ച്ഒ കെ. അഭിലാഷ് കുമാര് പ്രവര്ത്തനങ്ങള് വിവരിച്ചു.
സ്കൂള് ഹെഡ്മിസ്ട്രസ് സിസ്റ്റര് എലിസബത്ത് ടോംസ്, അധ്യാപകരായ സിസ്റ്റര് തെരേസ് റാണി, രഞ്ജു ജോര്ജ്, റോബി ജോര്ജ് എന്നിവരുടെ നേതൃത്വത്തിലാണ് കുട്ടികള് സ്റ്റേഷനിലെത്തിയത്. ജനമൈത്രി പോലീസ് ബീറ്റ് ഓഫീസര്മാരായ ബി. ജെനീഷ്, സുജിത്ത് കുമാര് എന്നിവര് പ്രവര്ത്തനങ്ങള്ക്കു നേതൃത്വം നല്കി.