രാമാനുജൻ ഇൻസ്റ്റിറ്റ്യൂട്ട് കെട്ടിടം ഉദ്ഘാടനം നാളെ
1464266
Sunday, October 27, 2024 5:19 AM IST
കോട്ടയം: പാമ്പാടി എട്ടാം മൈലില് നിര്മാണം പൂര്ത്തിയാക്കിയ ശ്രീനിവാസ രാമാനുജന് ഇന്സ്റ്റിറ്റ്യൂട്ട് ഫോര് ബേസിക് സയന്സസ് കെട്ടിടത്തിന്റെ ഉദ്ഘാടനം നാളെ ഉച്ചകഴിഞ്ഞു മൂന്നിനു മുഖ്യമന്ത്രി പിണറായി വിജയന് നിര്വഹിക്കും. സര്ക്കാരിന്റെ നാലാം നൂറുദിന കര്മപരിപാടിയുടെ ഭാഗമായി ശ്രീനിവാസ രാമാനുജന് ഇന്സ്റ്റിറ്റ്യൂട്ട് ഫോര് ബേസിക് സയന്സസ് കാമ്പസില് നടക്കുന്ന ചടങ്ങില് മന്ത്രി വി.എന്. വാസവന് അധ്യക്ഷത വഹിക്കും.
അടിസ്ഥാന ശാസ്ത്ര ഗവേഷണത്തിന് അന്താരാഷ്ട്ര തലത്തിലുള്ള കേന്ദ്രമായി ഉയര്ത്തുകയെന്ന ലക്ഷ്യത്തോടെയാണ് സംസ്ഥാന ശാസ്ത്ര സാങ്കേതിക പരിസ്ഥിതി കൗണ്സിലിന്റെ (കെഎസ്സിഎസ്ടിഇ) കീഴില് ശ്രീനിവാസ രാമാനുജന് ഇന്സ്റ്റിറ്റ്യൂട്ട് ഫോര് ബേസിക് സയന്സസ് (എസ്ആര്ഐബിഎസ്)സജ്ജമാക്കുന്നത്.
ചാണ്ടി ഉമ്മന് എംഎല്എ, എംപിമാരായ കെ. ഫ്രാന്സിസ് ജോര്ജ്, ജോസ് കെ. മാണി, ജില്ലാ പഞ്ചായത്ത് പ്രസിഡന്റ് കെ.വി. ബിന്ദു, ശാസ്ത്ര, സാങ്കേതിക, പരിസ്ഥിതി കൗണ്സില് എക്സിക്യൂട്ടീവ് വൈസ് പ്രസിഡന്റ് കെ.പി. സുധീര്, ജില്ലാ കളക്ടര് ജോണ് വി. സാമുവല്, കെഎസ്സിഎസ്ടിഇ മെംബര് സെക്രട്ടറി പ്രഫ. എ. സാബു തുടങ്ങിയവര് പ്രസംഗിക്കും.
പത്രസമ്മേളനത്തില് എസ്ആര്ഐബിഎസ് ഡയറക്ടര് പ്രഫ. സി.എച്ച്. സുരേഷ്, ഡോ. രഞ്ജിനി രാമകൃഷ്ണന്, ഡോ. റെയ്ച്ചല് റീന, ഡോ. ഈപ്പന് തോമസ്, ആര്ദ്ര അജിത്ത് എന്നിവര് പങ്കെടുത്തു.