കർഷകമാർച്ചും ധർണയും നടത്തി
1464271
Sunday, October 27, 2024 5:19 AM IST
കൊല്ലമുള: എൽഎ പട്ടയഭൂമിയിൽ നിൽക്കുന്ന തേക്കുമരങ്ങൾ മുറിക്കുവാൻ അനുവദിക്കണമെന്നാവശ്യപ്പെട്ട് കേരള കർഷക യൂണിയൻ-എം റാന്നി നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ കൊല്ലമുള വില്ലേജ് ഓഫീസിലേക്ക് മാർച്ചും ധർണയും നടത്തി.
ജോർജ് ഏബ്രഹാം ഉദ്ഘാടനം ചെയ്തു. കർഷക യൂണിയൻ നിയോജക മണ്ഡലം പ്രസിഡന്റ് ടോമി വടക്കേമുറി അധ്യക്ഷത വഹിച്ചു. പാർട്ടി ജില്ലാ സെക്രട്ടറി ഏബ്രഹാം വാഴയിൽ മുഖ്യപ്രഭാഷണം നടത്തി. കർഷക യൂണിയൻ ജില്ലാ പ്രസിഡന്റ് ജോൺ വി. തോമസ്, കെടിയുസി ജില്ലാ പ്രസിഡന്റ് ബോബി കാക്കനാപ്പള്ളി,
കെഎസ്സി സംസ്ഥാന സെക്രട്ടറി റിന്റോ തോപ്പിൽ, മണ്ഡലം പ്രസിഡന്റ് ടോമി പാറകുളങ്ങര, റോസമ്മ സ്കറിയ, ബിബിൻ കല്ലംപറമ്പിൽ എന്നിവർ പ്രസംഗിച്ചു. കൊല്ലമുള ജംഗ്ഷനിൽനിന്ന് ആരംഭിച്ച മാർച്ചിന് ടോം ആയല്ലൂർ, മോദി തോമസ്, പഞ്ചായത്ത് മെംബർ എലിസബത്ത് തോമസ്, ജോസ് പാത്രമങ്കൽ, പൊന്നി തോമസ് തുടങ്ങിയവർ നേതൃത്വം നൽകി.