മാര് ജയിംസ് കാളാശേരിയുടെ ഛായാചിത്ര പ്രയാണം ഇന്ന്
1464140
Saturday, October 26, 2024 7:30 AM IST
ചങ്ങനാശേരി: രൂപതയുടെ രണ്ടാമത്തെ മെത്രാന് മാര് ജെയിംസ് കാളാശേരിയുടെ 75-ാമത് ചരമവാര്ഷിക ദിനത്തോടനുബന്ധിച്ച് സംഘടിപ്പിക്കുന്ന അനുസ്മരണ സിമ്പോസിയത്തിന് മുന്നോടിയായി കത്തോലിക്ക കോണ്ഗ്രസ് ചങ്ങനാശേരി അതിരൂപത സമിതിയുടെ നേതൃത്വത്തില് ഇന്ന് രാവിലെ 11.30ന് അദ്ദേഹത്തിന്റെ മാതൃ ഇടവകയായ കൈനകരി സെന്റ് മേരീസ് പള്ളിയില്നിന്ന് ഛായാചിത്ര പ്രയാണം നടത്തും.
രാവിലെ 11.30ന് കൈനകരി സെന്റ് മേരീസ് ഇടവക വികാരി ഫാ. ജോസഫ് ചെമ്പിലകം അതിരൂപത പ്രസിഡന്റ് ബിജു സെബാസ്റ്റ്യന് ഛായാചിത്രം കൈമാറും. ആലപ്പുഴ, ചമ്പക്കുളം, പുളിങ്കുന്ന്, എടത്വ, തൃക്കൊടിത്താനം, ചങ്ങനാശേരി ഫൊറോനകള് സ്വീകരണം നല്കും.
ഉച്ചകഴിഞ്ഞ് 2.30ന് ചങ്ങനാശേരി അസംപ്ഷന് കോളജില് എത്തിച്ചേരുന്ന ഛായാചിത്രത്തിന് അതിരൂപതയുടെ നേതൃത്വത്തില് സ്വീകരണം നല്കും. തുടര്ന്ന് ആര്ച്ച്ബിഷപ് മാര് ജോസഫ് പെരുന്തോട്ടത്തിന് ഛായാചിത്രം കൈമാറും. കോളജ് വില്യംഹാളില് സെമിനാറും സംഘടിപ്പിച്ചിട്ടുണ്ട്.
അതിരൂപത ഡയറക്ടര് ഫാ. സെബാസ്റ്റ്യന് ചാമക്കാല ജനറല് സെക്രട്ടറി ബിനു ഡൊമിനിക്ക് ട്രഷറര് ജോസ് ജോണ് വെങ്ങാന്തറ, ജനറല് കണ്വീനര് സെബാസ്റ്റ്യന് വര്ഗീസ്, ഫൊറോനാ പ്രസിഡന്റുമാരായ ദേവസ്യാ പുളിക്കാശേരി, സാജു ആന്റണി, സോണിച്ചന് ആന്റണി, ലാലി ഇളപ്പുങ്കല്, കുഞ്ഞുമോന് തൂമ്പുങ്കല് തുടങ്ങിയവര് പരിപാടികള്ക്കു നേതൃത്വം നല്കും.